#វិបត្តិឧស្សាហកម្មដែក

អង្គការសម្រាប់ការអភិវឌ្ឍ និងកិច្ចសហប្រតិបត្តិការសេដ្ឋកិច្ច (OECD) បានព្រមានថា ឧស្សាហកម្មដែកថែបសកលកំពុងប្រឈមនឹងវិបត្តិកាន់តែធ្ងន់ធ្ងរ ដោយសារការផលិត ដែលទទួលបានការឧបត្ថម្ភធន និងសមត្ថភាពផលិតលើសតម្រូវការ នៅតែបន្តវាយលុកទីផ្សារឥតឈប់ឈរ។ OECD បានបញ្ជាក់ថា ការផលិតដែកថែបដែលគាំទ្រដោយរដ្ឋ ជាពិសេសនៅក្នុងប្រទេសចិន កំពុងបង្កសម្ពាធយ៉ាងខ្លាំងដល់ក្រុមអ្នកផលិតនៅអឺរ៉ុប និងបណ្ដាប្រទេសសមាជិក OECD ផ្សេងទៀត។