​ ខេមបូណូមីស

កិច្ចប្រជុំដ៏សំខាន់មួយរវាងក្រុមមន្ត្រីថៃ និងក្រុមមន្ត្រីអាម៉េរិកនឹងធ្វើឡើងនៅសប្តាហ៍នេះ ដើម្បីពិភាក្សាអំពីវិធាននាំចេញថ្មី បន្ទាប់ពីសហរដ្ឋអាម៉េរិក បានបញ្ចុះពន្ធគយបដិការថ្មីមកនៅត្រឹម១៩% លើទំនិញថៃ។ ទន្ទឹមនឹងទទួលបានអត្រាពន្ធគយបដិការទាបជាងការរំពឹងទុក ថៃអាចប្រឈមគំនាបពន្ធបន្ថែម ឬពន្ធពិន័យ៤០% ប្រសិនបើផលិតផលថៃណាមិនអាចបំពេញបានតាមវិធានដ៏តឹងរ៉ឹងរបស់អាម៉េរិក ដែលតម្រូវឱ្យផលិតផលថៃ សម្រាប់នាំចេញទៅសហរដ្ឋអាម៉េរិក ត្រូវតែផលិតក្នុងស្រុកឱ្យបាន៦០% នៃផលិតផលសម្រេចជាកំហិត។ នេះបើយោងតាមការចុះផ្សាយរបស់កាសែតថៃ The Nation។