Latest

សង្គ្រាមពាណិជ្ជកម្ម និងសម្ពាធសេដ្ឋកិច្ចដ៏ក្ដៅគគុក ដែលផ្តើមចេញពីគោលនយោបាយពន្ធគយដ៏ចម្រូងចម្រាសរបស់ប្រធានាធិបតីអាម៉េរិកលោក ដូណាល់ ត្រាំ កំពុងរុញច្រានឱ្យប្រជាពលរដ្ឋកាណាដា បណ្តុះស្មារតីស្នេហាជាតិ និងពង្រឹងកម្លាំងសាមគ្គីភាពផ្ទៃក្នុងកាន់តែរឹងមាំខ្លាំងឡើង។ ការយកពន្ធពាណិជ្ជកម្មធ្វើជាឧបករណ៍គាបសង្កត់លើប្រទេសជិតខាងដ៏ស្មោះត្រង់មួយនេះកំពុងប្រែក្លាយទស្សនៈរបស់ប្រជាជនកាណាដាចំពោះសហរដ្ឋអាម៉េរិកឱ្យឈានទៅរកភាពអវិជ្ជមាន និងការរង្គាសចិត្តយ៉ាងជ្រាលជ្រៅបំផុតដែលមិនធ្លាប់មានពីមុនមក។