កសិកម្ម

នៅរយៈពេល ៨ខែដំបូង ឆ្នាំ២០២២ នេះ កម្ពុជាទទួលបានចំណូល ពីការនាំចេញជ័រកៅស៊ូ និងផលិតផលធ្វើពីកៅស៊ូ មានចំនួនជាង ៣រយលានដុល្លារ មានការកើនជាង ២៤% បើធៀបនឹងរយៈពេលដូចគ្នាក្នុងឆ្នាំ២០២១ ។ នេះបើយោងតាមរបាយការណ៍ពីអគ្គនាយកដ្ឋានគយ និងរដ្ឋាករកម្ពុជា។ ទោះយ៉ាងណា មន្ត្រីជាន់ខ្ពស់នៃអគ្គនាយកដ្ឋានកៅស៊ូ អះអាងថា ខ្សែចង្វាក់ផលិតកម្មដំណាំកៅស៊ូនាពេលបច្ចុប្បន្ន នៅតែមានជួបបញ្ហាប្រឈមមួយចំនួន រួមទាំងស្ថានភាពទីផ្សារ និងតម្លៃកៅស៊ូមិនមានស្ថិរភាពជាដើម។