Latest

អ្នកជំនាញនៅក្នុងវិស័យទេសចរណ៍បានអះអាងថា តម្លៃសំបុត្រយន្តហោះដែលបានហក់ឡើងខ្ពស់កាលពីពេលកន្លងទៅ ហាក់មានភាពធូរស្បើយវិញហើយ ក្រោយសកម្មភាពហោះហើរឆ្លងកាត់តំបន់មជ្ឈិមបូព៌ាបានដំណើរការឡើងវិញជាប្រក្រតី ហើយតម្លៃប្រេងឥន្ធនៈសកលមានថយចុះជាងមុន។ គួររំលឹកថា កាលពីពេលថ្មីៗនេះក្រុមហ៊ុនអាកាសចរណ៍មួយចំនួនបានដំឡើងថ្លៃសំបុត្រយន្តហោះចន្លោះពី១០ដុល្លារទៅដល់១០០ដុល្លារ ដែលបានបង្កក្ដីបារម្ភយ៉ាងខ្លាំងពីការកើនឡើងថ្លៃដើម នៃការដឹកជញ្ជូន និងការធ្វើដំណើរ ដែលជាផលវិបាកបង្កឡើងដោយវិបត្តិជម្លោះនៅតំបន់មជ្ឈិមបូព៌ា។