ព័ត៌មាន

ក្រោយដាក់ការខិតខំប្រឹងប្រែង ដើម្បីបញ្ចប់សង្រ្គាមនៅអ៊ុយក្រែន ប្រមាណ៣សប្តាហ៍កន្លងមកនេះ ប្រធានាធិបតីសហរដ្ឋអាម៉េរិក លោក ដូណាល់ ត្រាំ ត្រូវបានគេរំពឹងថា នឹងជួបពិភាក្សាជាមួយលោក វ៉្លាឌីមៀ ពូទីន ប្រធានាធិបតីរុស្ស៊ី នៅក្នុងសប្តាហ៍នេះ។ នេះបើតាមការអះអាងរបស់បេសកជនកំពូលរបស់លោក ត្រាំ ដែលទើបវិលប្រឡប់ពីទីក្រុងមូស្គូ ក្រោយសហរដ្ឋអាម៉េរិក បានសម្របសម្រួលឲ្យអ៊ុយក្រែន គាំទ្រគំនិតផ្តួចផ្តើមបទឈប់បាញ់រយៈពេល៣០ថ្ងៃ។ នេះបើយោងតាមការចុះផ្សាយរបស់សារព័ត៌មាន The Strait Times។