ព័ត៌មាន

ការធ្វើពហិការ ឈប់ប្រើប្រាស់ទំនិញថៃ ដោយប្រជាពលរដ្ឋខ្មែរ ដោយសារតែកងទ័ពថៃ ឈ្លានពានកម្ពុជា កំពុងធ្វើឱ្យការនាំចូលទំនិញពីប្រទេសថៃ មកកម្ពុជា ដាំក្បាលចុះយ៉ាងគំហុក ។ តួយ៉ាង របាយការណ៍ពីក្រសួងពាណិជ្ជកម្មបង្ហាញថា នៅក្នុងខែ កក្កដា កន្លងទៅថ្មីៗនេះ ពោលគឺត្រឹមតែ១ខែប៉ុណ្ណោះ តម្លៃនៃការនាំចូលទំនិញថៃ មកកាន់ទីផ្សារកម្ពុជា មានត្រឹមតែប្រមាណ ១៦៦លានដុល្លារ បានដាំក្បាលចុះ ៤៤% ធៀបនឹងរយៈពេលដូចគ្នាឆ្នាំមុន ហើយទំនោរធ្លាក់ចុះនេះ ត្រូវបានគេរំពឹងថា នឹងអាចបន្ដកាន់តែខ្លាំងថែមទៀតនាពេលខាងមុខ។