ព័ត៌មាន

ប្រមុខរាជរដ្ឋាភិបាលកម្ពុជាបានវាយតម្លៃថា វឌ្ឍនភាពនៃជើងហោះហើរអន្តរជាតិរបស់កម្ពុជា បានរីកចម្រើនគួរជាទីមោទននាពេលបច្ចុប្បន្ននេះ តួយ៉ាងនៅដើមឆ្នាំ២០២៥នេះ កម្ពុជាមានក្រុមហ៊ុនអាកាសចរណ៍ជាតិ និងអន្តរជាតិចំនួន៣១ ដែលកំពុងហោះហើរទ្វេទិសចេញ-ចូលកម្ពុជាជាមធ្យមចំនួន ១ពាន់៣រយ២៤ជើងក្នុងមួយសប្តាហ៍ ដោយចំនួននេះបានកើនឡើងជាង៦០ជើងក្នុងមួយសប្តាហ៍ បើធៀបនឹងចុងឆ្នាំ២០២៤កន្លងទៅ។ បើគ្មានការប្រែប្រួលទេកម្ពុជានឹងទទួលបានការតភ្ជាប់ជើងហោះហើរពីតំបន់អឺរ៉ុបមកកាន់រាជធានីភ្នំពេញនៅចុងឆ្នាំនេះ។