ព័ត៌មាន

នាយកដ្ឋានប្រយុទ្ធនឹងជំងឺឆ្លងរបស់ថៃ នៅថ្ងៃព្រហស្បតិ៍នេះ បានបញ្ជាក់ពីការស្លាប់ពលរដ្ឋម្នាក់ ដោយសារជំងឺ អង់ត្រាក់ (Anthrax) នៅក្នុងខេត្ត មុខដាហាន ក្រោយពីជនរងគ្រោះរូបនោះ បានហូបសាច់គោ ដែលត្រូវបានគេផ្ដល់ឱ្យនៅក្នុងពិធីបុណ្យសាសនាមួយ។ មកទល់ពេលនេះ មនុស្សចំនួន ២៤៧ នាក់ទៀត កំពុងស្ថិតនៅក្នុងការតាមដានសុខភាព ក្នុងនោះ មនុស្ស២៨នាក់ ជាអ្នកដែលបានចូលរួមក្នុងទីសត្តឃាត និង ២១៩នាក់ គឺជាអ្នកបានបរិភោគសាច់គោឆៅ ដែលបានចែកនៅក្នុងពិធីសាសនានោះ។