ព័ត៌មាន

ក្រុមហ៊ុន វីរៈប៊ុនថាំ អេចប្រេស ដែលជាក្រុមហ៊ុនដឹកជញ្ជូនអ្នកដំណើរ និងសេវាកម្មបញ្ញើឆាប់រហ័សឈានមុខគេមួយនៅកម្ពុជា បានដាក់ឱ្យដំណើរការសាកល្បងកប៉ាល់ដឹកអ្នកដំណើរទៅមករវាងខេត្តកំពត និងកោះត្រល់ ឬកោះភូគុក ដ៏ទំនើបដំបូងគេ កាលពីថ្ងៃទី២៥ ខែធ្នូ ឆ្នាំ២០២៤។ ថ្នាក់ដឹកនាំក្រុមហ៊ុននេះរំពឹងថា តាមរយៈវត្តមានរបស់កប៉ាល់ដឹកអ្នកដំណើរនេះ វានឹងជួយជំរុញការទាក់ទាញភ្ញៀវទេសចរ ដែលទៅលេងកម្សាន្តនៅកោះត្រល់ឱ្យមកកម្សាន្តនៅកម្ពុជា បានកាន់តែច្រើនថែមទៀត ដ្បិតថា ការធ្វើដំណើរតាមរយៈកប៉ាល់ទំនើបនេះ គឺចំណាយពេលត្រឹមតែប្រមាណ៤០នាទីប៉ុណ្ណោះ។