ព័ត៌មាន

ការអភិវឌ្ឍវិស័យដីឡូត៍ និងលំនៅឋានមានសម្ទុះកើនឡើងយ៉ាងគំហុកកាលពីប៉ុន្មានឆ្នាំមុន ប៉ុន្តែនៅរយៈពេលចុងក្រោយនេះការអភិវឌ្ឍក្នុងវិស័យនេះហាក់មានការថមថយមកវិញ ដោយសារបញ្ហាប្រឈមមួយចំនួនទាំងខាងក្នុង និងខាងក្រៅ។ ទោះជាបែបនេះក្តី ក្រុមអ្នកជំនាញក្នុងវិស័យអចលនទ្រព្យកម្ពុជាកត់សម្គាល់ឃើញថា បច្ចុប្បន្នគម្រោងអភិវឌ្ឍដីឡូត៍ ដែលមានភាពច្បាស់លាស់ មានទីតាំងល្អ និងហេដ្ឋារចនាសម្ព័ន្ធគ្រប់គា្រន់ គឺនៅតែមានទីផ្សារ និងចរន្តទិញលក់ជាហូរហែ។