ព័ត៌មាន

ភាពមិនច្បាស់លាស់នៃសេដ្ឋកិច្ចសកលពុំបានជះឥទ្ធិពលធ្ងន់ធ្ងរដល់វិស័យវាយនភណ្ឌ កាត់ដេរសម្លៀកបំពាក់ ស្បែកជើង និងផលិតផលធ្វើដំណើររបស់កម្ពុជានោះទេ ដោយនៅក្នុងរយៈពេល៤ខែចុងក្រោយនៃឆ្នាំ២០២៣ មានរោងចក្រថ្មីៗជិត៥០០រោងចក្រត្រូវបានបង្កើតឡើង។ កំណើនរោងចក្រទើបបើកថ្មីៗនេះ ត្រូវបានមន្រ្តីជាន់ខ្ពស់ក្រសួងការងារ និងបណ្ដុះបណ្ដាលវិជ្ជាជីវៈអះអាងថា កម្ពុជានៅតែបន្តរក្សាបានស្ថិរភាពការងារ និងសេដ្ឋកិច្ចល្អប្រសើរ។