អ្នកជំនាញសង្កេតឃើញថា ការធ្វើពហិការមិនប្រើផលិតផលថៃ របស់ពលរដ្ឋខ្មែរ ហាក់មានការធ្លាក់ចុះ តើមកពីមូលហេតុអ្វី?
ចលនាធ្វើពហិការមិនប្រើប្រាស់ផលិតផលថៃ ហើយងាកមកគាំទ្រផលិតផលខ្មែររបស់ពលរដ្ឋខ្មែរមានភាពផុសផុលខ្លាំងគួរឱ្យកត់សម្គាល់ក្រោយកងទ័ពថៃ វាយចូលឈ្លានពា…
លោក ឆាលី ឃើក វ័យ៣១ឆ្នាំ ដែលជាសហស្ថាបនិកក្រុមតស៊ូមតិអភិរក្សនិយមមួយនៅសហរដ្ឋអាម៉េរិក និងជាអ្នកគាំទ្រយ៉ាងប្ដូរផ្ដាច់ចំពោះលោក ត្រាំ នោះត្រូវបានខ្មាន់កាំភ្លើងម្នាក់បាញ់ចំកបណ្ដាលឱ្យស្លាប់នៅនឹងកន្លែង នៅក្នុងអំឡុងពេលលោកកំពុងនិយាយនៅក្នុងព្រឹត្តិការណ៍នៅសាកលវិទ្យាល័យមួយក្នុងទីក្រុងអូរ៉េម រដ្ឋអ៊ូតា សហរដ្ឋអាម៉េរិក កាលពីថ្ងៃពុធ សប្តាហ៍នេះ។ ចំពោះមូលហេតុនៃបាញ់សម្លាប់នេះ គេមិនទាន់ដឹងច្បាស់នៅឡើយទេ ហើយគេក៏មិនទាន់ដឹងថា តើជនសង្ស័យត្រូវបានចាប់ខ្លួនបាន ឬយ៉ាងណានោះដែរ។
ការស្លាប់នេះត្រូវបានគេមើលឃើញថា គឺជាការបង្ហាញអំពីការបែកបាក់ខាងនយោបាយនៅសហរដ្ឋអាម៉េរិក ខណៈសមាជិកសភាបានចង្អុលមុខដាក់គ្នានៅក្នុងសភាពាក់ព័ន្ធនឹងការស្លាប់នេះ។ បើតាមសមាជិកសភាម្នាក់បាននិយាយថា ក្រុមអ្នកប្រជាធិបតេយ្យបានចោទសួរថា ហេតុអ្វីការសម្លាប់របស់ឥស្សរជនមិនសូវល្បីផ្សេងទៀតមិនទទួលបានការចាប់អារម្មណ៍ដូចការស្លាប់របស់លោក ឆាលី បែបនេះ។
បន្ទាប់មក ប្រធានសភាមកពីគណបក្សសាធារណរដ្ឋលោក Mike Johnson បានគោះញញួរដើម្បីបញ្ជាឱ្យបញ្ចប់ភាពចម្រូងចម្រាសក្នុងសភានេះ ខណៈជនមិនស្គាល់អត្តសញ្ញាណម្នាក់បានស្រែកថាត្រូវតែអនុម័តច្បាប់កាន់កាប់កាំភ្លើង។ ការស្លាប់របស់លោក ឆាលី បានធ្វើឱ្យអ្នកអភិរក្សនិយមជាច្រើន ដែលគាំទ្រលោកបានចោទពួកសេរីនិយមថា ជាអ្នកនៅពីក្រោយការវាយប្រហានេះ ខណៈដែលអ្នកប្រជាធិបតេយ្យភាគច្រើនរក្សាសំឡេងស្ងប់ស្ងាត់ និងបានអំពាវនាវឱ្យមានច្បាប់គ្រប់គ្រងកាំភ្លើងឱ្យកាន់តែខ្លាំង៕
ដោយ៖ សុខ មង្គល
