វៀតណាម ជាប្រទេសប្រើប្រាស់មាសច្រើនជាងគេបំផុតនៅអាស៊ាន ដែលមានរហូតដល់៥៥តោនក្នុង១ឆ្នាំ
ទិន្នន័យរបស់ក្រុមប្រឹក្សាមាសពិភពលោក ដែលដកស្រង់សម្ដីរបស់សមាជិកសភាវៀតណាមម្នាក់បានបង្ហាញថា ប្រទេសវៀតណាម បាននាំមុខគេនៅតំបន់អាស៊ីអាគ្នេយ៍ក្ន…
សារព័ត៌មាន VN Express បានរាយការណ៍ថា ក្រុមហ៊ុនអាកាសចរណ៍ ANA Group បានប្រកាសថា ខ្លួននឹងបិទប្រតិបត្តិការដឹកជញ្ជូនផ្លូវអាកាសរបស់ក្រុមហ៊ុនអាកាសចរណ៍កូនកាត់ AirJapan នៅក្នុងខែមីនា ឆ្នាំ២០២៦ ក្រោយបើកដំណើរការបានប្រមាណ២ឆ្នាំ។ ក្រុមហ៊ុននេះបានចាត់ទុកការបិទនេះថា ជាការសម្រេចចិត្តថ្មី និងជាផ្នែកមួយនៃការផ្លាស់ប្តូរយុទ្ធសាស្ត្រអាជីវកម្មផ្នែកអាកាសចរណ៍ស៊ីវិលដ៏សំខាន់របស់ខ្លួន។
ជើងហោះហើរពីទីក្រុងបាងកក និងពីសិង្ហបុរី មកកាន់អាកាសយានដ្ឋាន ណារីតា ទីក្រុងតូក្យូនៅថ្ងៃទី២៩ មីនា គឺជាជើងហោះហើរចុងក្រោយរបស់ក្រុមហ៊ុនអាកាសចរណ៍នេះ។ ក្រុមហ៊ុន ANA Group បានប្រកាសថា ការសម្រេចចិត្តនេះ គឺដើម្បីជំរុញប្រសិទ្ធភាព និងលើកកម្ពស់ការប្រកួតប្រជែងនៅក្នុងវិស័យអាកាសចរណ៍ស៊ីវិល ហើយក៏ទាក់ទងផងដែរនឹងការអូសបន្លាយពេលវេលានៃការផ្គត់ផ្គង់យន្តហោះ ក៏ដូចជាបញ្ហាថែទាំ ដែលពាក់ព័ន្ធនឹងយន្តហោះ Boeing 787។
បុគ្គលិក និងអាកាសយានិកទាំងអស់របស់ក្រុមហ៊ុន AirJapan នឹងត្រូវបញ្ចូលទៅក្នុងក្រុមហ៊ុន ANA ដើម្បីពង្រឹងប្រសិទ្ធភាពអាជីវកម្ម សុវត្ថិភាព និងគុណភាពសេវាកម្មផ្លូវអាកាសរបស់ខ្លួន។ មកទល់ពេលនេះ ជប៉ុន មានក្រុមហ៊ុនអាកាសចរណ៍ក្នុងស្រុកសរុបជាង៣០០ក្រុមហ៊ុនជាមួយនឹងអ្នកដំណើរផ្លូវអាកាសសរុបប្រមាណជាង៩៤លាននាក់៕
ដោយៈ សរ សុជាតិ
