វៀតណាម លាតត្រដាងគម្រោងបង្កើតមជ្ឈមណ្ឌលហិរញ្ញវត្ថុតម្លៃ ៧ពាន់លានដុល្លារ នៅក្រុងហូជីមិញ
ប្រទេសវៀតណាម បានបង្ហាញនូវគម្រោងដ៏ពោរពេញដោយមហិមាមួយ ជាមួយនឹងទុនវិនិយោគរហូតដល់ទៅ ៧ពាន់លានដុល្លារ វិនិយោគប្រែក្លាយផ្ទៃដី ទំហំ៧៨៣ ហិកតា…
ពោលគឺ ទ្រព្យសម្បត្តិរបស់លោក ប៊ីល ហ្គេត អាចមានដល់ទៅ ១,២ទ្រីលានដុល្លារ ច្រើនជាង៣ដងបើធៀបនឹងទ្រព្យសម្បត្តិរបស់លោក Elon Musk ដែលមានប្រមាណជាង ៤០០ពាន់លានដុល្លារប៉ុណ្ណោះ។ នេះបើតាមយោងតាមទិន្នន័យរបស់ទស្សនាវដ្ដី Forbes។
គេនៅចាំបានថា នៅមុនពេលក្រុមហ៊ុន Microsoft ចុះបញ្ជីក្នុងផ្សារហ៊ុនជាសាធារណៈនៅឆ្នាំ១៩៨៦ មហាសេដ្ឋីអាម៉េរិក លោក ប៊ីល ហ្គេត បានកាន់កាប់ភាគហ៊ុនចំនួនជាង ១១លានហ៊ុន ដែលស្មើនឹងជិត ៥០%នៃភាគហ៊ុនទាំងមូលរបស់ក្រុមហ៊ុន Microsoft និងមានតម្លៃប្រហែល២០០លានដុល្លារ។ ដូច្នេះ ប្រសិនបើគាត់រក្សាទុកភាគហ៊ុនទាំងនោះ នៅក្រោយការបោះផ្សាយលក់ភាគហ៊ុន ភាគហ៊ុនរបស់គាត់នឹងមានដល់ទៅ ៣,២ពាន់លានហ៊ុន នាំឱ្យលោក ប៊ីល ហ្គេត និងអតីតភរិយា គឺលោកស្រី Melida នឹងមានភាគហ៊ុន ៤៣% នៅក្នុងក្រុមហ៊ុន Microsoft សព្វថ្ងៃ ធ្វើឱ្យទ្រព្យសម្បត្តិរបស់ពួកគេកើនដល់ទៅ ១,៤ទ្រីលានដុល្លារឯណោះ។
ផ្ទុយទៅវិញ សហស្ថាបនិកក្រុមហ៊ុន Microsoft រូបនេះ បាន លក់ និងបរិច្ចាគភាគហ៊ុនរបស់លោកជាបន្ទបន្ទាប់នៅក្នុងរយៈពេលប៉ុន្មានឆ្នាំមកនេះ ដោយលោករក្សាទុកភាគហ៊ុនប្រមាណ ០,៩% ដែលមានតម្លៃ ២៨ ពាន់លានដុល្លារស្មើនឹងប្រហែលមួយភាគបួននៃទ្រព្យសម្បត្តិបច្ចុប្បន្នរបស់លោកតែប៉ុណ្ណោះ។
ម្យ៉ាងទៀតតាំងពីបានបង្កើតមូលនិធិ ប៊ីល ហ្គេត (Gates Foundation) ក្នុងឆ្នាំ២០០០ មក លោក ហ្គេត និងភរិយារបស់លោក គឺលោកស្រី មេលីនដា (Melinda) បានបរិច្ចាគមូលនិធិសរុបមានចំនួនទឹកប្រាក់ប្រមាណ ៦០ពាន់លានដុល្លារ ដែលធ្វើឱ្យពួកគេក្លាយជាអ្នកបរិច្ចាគទ្រព្យសម្បត្តិច្រើនគេបំផុតទីពីរនៅសហរដ្ឋអាម៉េរិក បន្ទាប់ពីមហាសេដ្ឋីលោក វ៉រ៉េន បាប់ហ្វេត (Warren Buffett)។ នេះបើតាមការចុះផ្សាយរបស់ទស្សនាវដ្តីសហគ្រិន។
កាលពីខែឧសភា លោក ហ្គេត បានសន្យាថា នឹងបរិច្ចាគ៩៩%នៃទ្រព្យសម្បត្តិសរុបរបស់លោកជាង១០០ពាន់ លានដុល្លារ នៅក្នុងរយៈពេល២០ឆ្នាំខាងមុខ ដើម្បីពន្លឿនដល់កិច្ចខិតខំប្រឹងប្រែងសម្រាប់កិច្ចការសប្បុរសធម៌របស់លោក តាមរយៈមូលនិធិ ប៊ីល ហ្គេត នៅមុនពេលបិទបញ្ចប់មូលនិធិនេះនៅចុងឆ្នាំ២០៤៥៕
ដោយ៖ សុខ មង្គល
