គំនាបពន្ធរបស់លោក ត្រាំ កំពុងដាក់សម្ពាធឱ្យប្រទេសនៅតំបន់អាស៊ានបង្កើនការនាំចូលទំនិញពីអាម៉េរិក
ក្រោមគំនាបពន្ធគយបដិការ ដែលដាក់ចេញដោយសហរដ្ឋអាម៉េរិក បានធ្វើឲ្យប្រទេសនៅអាស៊ីជាច្រើនបង្កើនការនាំចូលទំនិញពីអាម៉េរិកជាថ្នូរនឹងការទទួលបានកា…
លោក ដូណាល់ ត្រាំ ប្រធានាធិបតីសហរដ្ឋអាម៉េរិក បានព្រមានម្តងហើយម្តងទៀតចាប់តាំងពីលោកវិលត្រឡប់ចូលដឹកនាំសេតវិមានជាថ្មីថា លោកនឹងដាក់ទណ្ឌកម្មប្រឆាំងនឹងប្រទេសណាមួយ ដែលគាំទ្រគោលនយោបាយប្រឆាំងនឹងអាម៉េរិក ដែលវាកំពុងបញ្ហាប្រឈមមួយក្នុងការរារាំងភាពរីកចម្រើនរបស់ BRICS។
សារព័ត៌មាន Times of India បានរាយការណ៍ថា ជំនួបកំពូលរបស់កំពូលមេដឹកដឹកនាំកំពូល BRICS រួមមាន ចិន ឥណ្ឌា និងរុស្ស៊ី អាចធ្វើឡើងក្នុងអំឡុងពេលចិន ធ្វើជាម្ចាស់ផ្ទះកិច្ចប្រជុំកំពូលនៃក្រុមប្រទេសអង្គការសហប្រតិបត្តិការសៀងហៃ ដែលមានមេដឹកនាំជាង២០ប្រទេស រួមទាំងមេដឹកនាំរុស្ស៊ី វ្លាឌីមៀ ពូទីន លោកនាយករដ្ឋមន្រ្តីឥណ្ឌា ណារិនដ្រា ម៉ូឌី ចន្លោះពីថ្ងៃទី៣១ ខែសីហា ដល់ថ្ងៃទី១ ខែកញ្ញា ដ៏ខ្លីខាងមុខនេះ។
ពាក់ព័ន្ធនឹងការឃ្លាំមើលរបស់មេដឹកនាំអាម៉េរិក មកលើជំនួបកំពូលរបស់ខ្លាទាំងបីនៅ BRICS នេះ អតីតមន្ត្រីពាណិជ្ជកម្មឥណ្ឌាលោក អាហ្សៃ ស្រ៊ីវ៉ាស្តាវ៉ា (Ajay Srivastava) បានអះអាងថា ក្រុមប្រទេស BRICS អាចមានអារម្មណ៍ភិតភ័យតិចតួចប៉ុណ្ណោះ។ លោកបានសង្កត់ធ្ងន់ថា សម្ពាធពន្ធដែលអាម៉េរិក ដាក់លើសមាជិកក្រុមប្រទេស BRICS ដូចជាឥណ្ឌា និងប្រេស៊ីលចំនួន៥០% ហើយចិន និងអាហ្រ្វិកខាងត្បូង ចំនួន៣០% បានជំរុញឱ្យ BRICS រិះគិត ដើម្បីកាត់បន្ថយការពឹងផ្អែកលើអាម៉េរិករួចទៅហើយ។
សម្ពាធពន្ធរបស់អាម៉េរិក ពិតជាបានបន្ថែមបញ្ហាលំបាកដល់សមាជិក BRICS ប៉ុន្តែឥឡូវនេះសមាជិក BRICS កំពុងពង្រីកកិច្ចព្រមព្រៀងពាណិជ្ជកម្មទ្វេភាគីជារូបិយប័ណ្ណជាតិ ដើម្បីកាត់បន្ថយការពឹងផ្អែកលើប្រាក់ដុល្លារអាម៉េរិក ហើយធនាគារកណ្តាល BRICS ក៏បានបង្កើនការទិញមាស ដែលជាបំណងប្រាថ្នារបស់ពួកគេក្នុងការដកប្រាក់ដុល្លារចេញពីយន្តការនៃការដោះដូរពាណិជ្ជកម្ម៕
ដោយៈ សរ សុជាតិ
