ក្រសួងការពារជាតិ ប្រកាសជ្រើសរើសទាហានថ្មី ៣,០០០នាក់បន្ថែមទៀត ខណៈកម្ពុជា រងការឈ្លានពានពីប្រទេសថៃ
អគ្គបញ្ជាការដ្ឋាន នៃកងយោធពលខេមរភូមិន្ទ ចំណុះក្រសួងការពារជាតិ បានប្រកាសជ្រើសរើសពលទាហានថ្មី ចំនួន ៣០០០នាក់ ដើម្បីបំពេញក្របខ័ណ្ឌឱ្យបណ្តាកងឯក…
ថ្លែងនៅក្នុងកិច្ចពិភាក្សាធុរកិច្ចពេលព្រឹកស្ដីពី «សេដ្ឋកិច្ច និងទីផ្សារកម្ពុជា» ដោយមានការចូលរួមពីសមាជិកសមាគមឧកញ៉ាកម្ពុជាចំនួន១៩រូប កាលពីថ្ងៃទី១៤ ខែកុម្ភៈ ឆ្នាំ២០២៦ អ្នកឧកញ៉ា សៀ ឬទ្ធី អនុប្រធានទទួលបន្ទុកកិច្ចការប្រចាំខែកុម្ភៈរបស់សមាគម និងជាប្រធានគណៈកម្មការទំនាក់ទំនងសាធារណៈ អន្តរជាតិ និងទេសចរណ៍ បានផ្ដល់ជាអនុសាសន៍ និងចែករំលែកមេរៀនជាបទពិសោធផ្ទាល់ខ្លួនដល់សមាជិកឱ្យមានភាពបត់បែន និងចេះកែច្នៃធុរកិច្ច ដែលកំពុងមានបញ្ហាប្រឈមទៅជាឱកាស តួយ៉ាងវិស័យសំណង់ និងអចលនទ្រព្យដែលទាមទារឱ្យមានការធ្វើពិពិធកម្មស្របទៅតាមតម្រូវការទីផ្សាររបស់អតិថិជនជាគោលដៅ និងការប្រកួតប្រជែងនាពេលបច្ចុប្បន្ន ខណៈដែលវិស័យមួយចំនួនទៀតក៏ត្រូវផ្លាស់ប្តូរ និងបត់បែនទៅតាមបរិបទសេដ្ឋកិច្ច និងត្រូវស្វែងរកកិច្ចសហការជាមួយវិនិយោគិនទាំងក្នុង និងក្រៅប្រទេស ដើម្បីវិនិយោគលើវិស័យជាអាទិភាពសំដៅបង្កើតការងារ និងជំរុញសេដ្ឋកិច្ចជាតិផងដែរ។
កិច្ចពិភាក្សាធុរកិច្ច ដែលរៀបចំដោយសមាគមឧកញ៉ាកម្ពុជានេះ ត្រូវបានធ្វើឡើងជាលើកទី២ នៅក្នុងខែកម្ភៈនេះ ដោយការពិភាក្សាផ្តោតសំខាន់លើការធ្វើបច្ចុប្បន្នភាពព័ត៌មានអំពីស្ថានភាពសេដ្ឋកិច្ច បរិយាកាសវិនិយោគ និងទីផ្សារនៅកម្ពុជាក្នុងវិស័យអាទិភាពនានា ជាពិសេសវិស័យដែលកំពុងទទួលរងផលប៉ះពាល់ពីស្ថានភាពសេដ្ឋកិច្ចសកល។
សមាជិកនីមួយៗរបស់សមាគម បានចែករំលែកអំពីបញ្ហាប្រឈមដែលខ្លួនបាននិងកំពុងជួបប្រទះក្នុងវិស័យ ដែលខ្លួនកំពុងវិនិយោគ រួមមាន វិស័យសំណង់ និងអចលនទ្រព្យ, កសិ-ផលិតផល, ផលិតកម្មក្នុងស្រុក, ទេសចរណ៍, អប់រំ ជាដើម។ បន្ថែមពីនេះ កិច្ចពិភាក្សាក៏បាន បានផ្លាស់ប្ដូរមតិយោបល់គ្នា និងចែករំលែកបទពិសោធទៅវិញទៅមក ព្រមទាំងទស្សនាទានល្អៗដែលជាគន្លឹះដ៏សំខាន់ក្នុងការពង្រឹងអាជីវកម្មរបស់ខ្លួន និងការចាប់យកឱកាសក្នុងការបង្កើត និងបង្កើនកិច្ចសហប្រតិបត្តិការជាមួយបណ្តាដៃគូវិនិយោគិននានា តាមរយៈការជំរុញ និងការទាក់ទាញទុនវិនិយោគពីក្រៅស្រុកមកក្នុងស្រុក។
