រដ្ឋាភិបាលវៀតណាម អនុញ្ញាតឱ្យពលរដ្ឋខ្លួនអាចចូលលេងល្បែងនៅកាស៊ីណូ
វៀតណាម ដែលមានការប្រុងប្រយ័ត្នខ្ពស់លើការគ្រប់គ្រង និងប្រតិបត្តិការឧស្សាហកម្ម និងសេវាកម្មកាស៊ីណូនៅក្នុងប្រទេសនោះ បានប្រកាសបន្ធូរបន្ថយ និងបើកចំ…
ឯកឧត្តម ហេង សុខគង់ រដ្ឋលេខាធិការ និងជាអ្នកនាំពាក្យក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានបង្ហាញក្តីរំពឹងកាលពីពេលកន្លងទៅថ្មីៗថា តាមរយៈវត្តមានរោងចក្រដំឡើងរថយន្តអគ្គិសនី BYD នៅកម្ពុជានេះ នឹងចូលរួមលើកកម្ពស់ការប្រើប្រាស់ថាមពលស្អាតស្របតាមគោលនយោបាយវិស័យយានយន្ត និងអេឡិចត្រូនិករបស់កម្ពុជា។ ឯកឧត្តមរំពឹងផងដែរថា ក្រុមហ៊ុនយក្សរបស់ចិនមួយនេះនឹងវិវត្តខ្សែច្រវាក់ផលិតកម្មរបស់ខ្លួននៅកម្ពុជា បន្ថែមទៀត។
គួរបញ្ជាក់ថា រោងចក្រដំឡើងរថយន្តរបស់ក្រុមហ៊ុន BYD Cambodia ដែលបានបើកការដ្ឋានសាងសង់កាលពីថ្ងៃទី២៨ ខែមេសា ជាក្រុមហ៊ុនបុត្រសម្ព័ន្ធរបស់ក្រុមហ៊ុន BYD Auto Industry។ រោងចក្រដែលមានតម្លៃវិនិយោគប្រមាណ៣២លានដុល្លារក្នុងដំណាក់កាលទី១នេះ ត្រូវបានអភិវឌ្ឍន៍លើផ្ទៃដី១២ហិកតាជាមួយសមត្ថភាពដំឡើងរថយន្តទាំងរថយន្តអគ្គិសនីសុទ្ធ និងកូនកាត់បានប្រមាណ១ម៉ឺនគ្រឿងក្នុងឆ្នាំ។ សូមជម្រាបថា គិតមកទល់ពេលនេះ កម្ពុជា មានរោងចក្រផ្គុំដំឡើង និងផលិតរថយន្តធុនធំ និងមធ្យម មានចំនួន១១រោងចក្រ៕
អត្ថបទ៖ ជា ម៉ារ៉ា
