តើការផ្សព្វផ្សាយ និងចែកចាយរូបភាពទាហានពលីអាចធ្វើឱ្យប៉ះពាល់អ្វីខ្លះ?

លោក អួន ស៊ីឡុត ប្រធានសមាគមស្វាយចន្ទីកម្ពុជា បានចាត់ទុកឆ្នាំ២០២៥ ជាឆ្នាំដ៏មានសក្ដានុពលសម្រាប់វិស័យស្វាយចន្ទីកម្ពុជា ដោយតម្លៃ និងបរិមាណនាំចេញមានការកើនឡើងខ្ពស់គួរឱ្យកត់សម្គាល់ ហើយការផលិតនៅតែរក្សាបានភាពធន់ បើទោះបីមានបញ្ហាប្រឈមខ្លាំងនៃការប្រែប្រួលអាកាសធាតុកាលពីដើមឆ្នាំក៏ដោយ។ បើយោងតាមរបាយការណ៍ក្រៅផ្លូវការរបស់សមាគមស្វាយចន្ទីកម្ពុជា នៅពេញមួយឆ្នាំ២០២៥ កម្ពុជា ផលិតគ្រាប់ស្វាយចន្ទីឆៅបានជាង១លាន២ម៉ឺនតោន និងបាននាំចេញទៅកាន់ទីផ្សារអន្តរជាតិ ជាង១លានតោន ដោយគិតជាទឹកប្រាក់មានចំនួនប្រមាណ១ពាន់៥រយលានដុល្លារ កើនឡើង២៧% បើធៀបនឹងឆ្នាំ២០២៤។

យ៉ាងណាមិញ ប្រធានសមាគមរូបនេះរំពឹងថា ការផលិតគ្រាប់ស្វាយចន្ទីនឹងមានការកើនឡើងបន្ថែមទៀតនៅឆ្នាំនេះ បើទោះបីជាបច្ចុប្បន្នបញ្ហាអាកាសធាតុបានធ្វើឱ្យការចេញត្រួយ និងផ្ការបស់ដើមស្វាយចន្ទីមានការរអាក់រអួលក៏ដោយ។ ការរំពឹងបែបនេះ ក៏ដោយសារនៅក្នុងរយៈពេល៤ឆ្នាំកន្លងមកនេះ សមាគមបានជួយបណ្តុះបណ្តាលកសិករឱ្យចេះសម្របខ្លួនទៅនឹងការប្រែប្រួលអាកាសធាតុ ស្របពេលផ្ទៃដីដាំដុះក៏មានការកើនឡើង។

គួរជម្រាបថា យោងតាមទិន្នន័យផ្ទៃដីដាំដុះដំណាំស្វាយចន្ទីជាតិ ប្រចាំឆ្នាំ២០២៤ របស់ក្រសួងកសិកម្ម រុក្ខាប្រមាញ់ និងនេសាទ បច្ចុប្បន្នកម្ពុជា មានផ្ទៃដីដាំដុះដំណាំស្វាយចន្ទីសរុបជាង៥៨ម៉ឺនហិកតានៅទូទាំងប្រទេស៕

អត្ថបទ សោម ស្រីពេជ្រ​