វៀតណាម គ្រោងដាក់ឱ្យដំណើរការមជ្ឈមណ្ឌលហិរញ្ញវត្ថុអន្តរជាតិ នៅចុងឆ្នាំ២០២៥
នាយករដ្ឋមន្ត្រីវៀតណាម លោក ផាម មិញឈិញ (Pham Minh Chinh) ប្រធានគណៈកម្មាធិការដឹកនាំសម្រាប់មជ្ឈមណ្ឌលហិរញ្ញវត្ថុអន្តរជាតិរបស់វៀតណាម (IFC) បា…
មាសជិត៣០៧តោនត្រូវបានជួញដូរទូទាំងពិភពលោកនៅត្រីមាសទី២ឆ្នាំ២០២៥ មានការកើនឡើងប្រមាណ១១% បើធៀបនឹងរយៈពេលដូចគ្នាកាលពីឆ្នាំមុន។ ចិន ជាប្រទេសដែលមានការជួញដូរមាសច្រើនជាងគេនៅក្នុងរយៈពេលនេះមានរហូតដល់ទៅ១១៥ តោន បន្ទាប់មកឥណ្ឌាមានបរិមាណជួញដូរសរុប៤៦តោន អឺរ៉ុបមាន២៨តោន និងអាម៉េរិកមានត្រឹមតែ៩តោនប៉ុណ្ណោះ។
ក្រុមប្រឹក្សាមាសពិភពលោកបានលើកឡើង ភាពតានតឹងផ្នែកភូមិសាស្ត្រនយោបាយ ការប្រែប្រួលទីផ្សារ និងភាពមិនប្រាកដប្រជានៃម៉ាក្រូសេដ្ឋកិច្ច នឹងបន្តជំរុញឱ្យមានតម្រូវការវិនិយោគលើមាស ដែលជាឧបករណ៍ជួញដូរដ៏មានសុវត្ថិភាព មានកំណើនបន្ថែមទៀត។
ដោយឡែកនៅក្នុងតំបន់អាស៊ីអគ្នេយ៍ឯណោះក៏មានប្រតិបត្តិការជួញដូរមាសដ៏រស់រវើកផងដែរនៅក្នុងរយៈពេលដូចគ្នានេះ ដោយក្នុងនោះការជួញដូរមាសនៅសិង្ហបុរី មានការកើនឡើង៣៧% ជាមួយនឹងបរិមាណ២,២តោន។ ជាមួយគ្នានេះ ការជួញដូរមាសទៅឥណ្ឌូនេស៊ី ម៉ាឡេស៊ី និងថៃ ក៏មានកំណើនជិតពីរខ្ទង់ផងដែរ ខណៈការជួញដូរមាសនៅវៀតណាម មានការធ្លាក់ចុះរហូតដល់ទៅ២០% ទៅវិញ៕
ដោយៈ សរ សុជាតិ
