មន្រ្តីអាម៉េរិកព្រមានថា ប្រទេសជាង១០០ដែលគ្មានកិច្ចព្រមព្រៀងជាមួយអាម៉េរិកនឹងរងគំនាបពន្ធបដិការពេញទំហឹង
ក្រោយរដ្ឋបាលលោក ដូណាល់ ត្រាំ ដាក់ចេញវិធានការពន្ធបដិការលើប្រទេស និងដែនដីជាង១៨០ កាលពីថ្ងៃទី២ ខែមេសា ហើយបានពន្យារពេលអនុវត្ត៩០ថ្ងៃ ដើម្បីទ…
ក្រុមហ៊ុនយក្សអាម៉េរិក Apple ដែលជាក្រុមហ៊ុនផលិតទូរសព្ទ iPhone ដ៏ល្បីល្បាញនៅលើពិភពលោកបានចំណាយពេលមួយទសវត្សរ៍ និងចំណាយប្រាក់១០ពាន់លានដុល្លារអាម៉េរិកដើម្បីធ្វើពិពិធកម្មពាណិជ្ជកម្មរបស់ខ្លួនជាមួយនឹងការព្យាយាមងាកទៅរកការផលិតរថយន្តអគ្គិសនី។ ប៉ុន្តែផែនការនេះត្រូវបានបរាជ័យក្រោយក្រុមហ៊ុននេះបានបោះបង់ចោលគម្រោងការនេះនៅឆ្នាំ២០២៤។ ការបោះបង់ផែនការផលិតរថយន្តអគ្គិសនីរបស់ក្រុមហ៊ុន Apple នេះបានផ្ដល់ឱកាសឱ្យក្រុមហ៊ុនចិន Xiaomi ក្នុងការស្រវាក្ដោបយកចំណែកទីផ្សាររថយន្តអគ្គិសនី ដែលជាឧស្សាហកម្មមួយដែលកំពុងមានការប្រកួតប្រជែងខ្លាំង។
ថ្លែងក្នុងព្រឹត្តិការណ៍សម្ពោធរថយន្តអគ្គិសនីទីពីររបស់ក្រុមហ៊ុន Xiaomi នៅទីក្រុងប៉េកាំងកាលពីខែមិថុនា កន្លងទៅនេះ លោក ឡី ជុន ស្ថាបនិក និងជាប្រធានក្រុមហ៊ុន Xiaomi បាននិយាយថា ចាប់តាំងពីក្រុមហ៊ុន Apple បោះបង់ផែនការផលិតរថយន្តអគ្គិសនីមក ក្រុមហ៊ុន Xiaomi បានផ្តោតការយកចិត្តទុកដាក់ជាពិសេសលើអ្នកប្រើប្រាស់របស់ក្រុមហ៊ុន Apple ហើយថា ម្ចាស់ក្រុមហ៊ុន iPhone នឹងអាចភ្ជាប់ឧបករណ៍របស់ពួកគេទៅនឹងរថយន្តរបស់ក្រុមហ៊ុន Xiaomi បានផងដែរ។
ក្រុមហ៊ុន Xiaomi បាននិយាយថា ពួកគេបានទទួលការបញ្ជាទិញរថយន្តចំនួនជិត២៩ម៉ឺនគ្រឿងសម្រាប់រថយន្ត SUV ស៊េរីថ្មីនៅក្នុងរយៈពេលមួយម៉ោង បន្ទាប់ពីការប្រកាសសម្ពោធរថយន្តថ្មីនេះ ដែលជាចំនួនមួយច្រើនជាងរថយន្តអគ្គិសនីដំបូងរបស់ពួកគេ ដែលបានចាប់ផ្តើមនៅក្នុងខែមីនា ឆ្នាំ២០២៤។
ការទទួលបានជោគជ័យរបស់ក្រុមហ៊ុន Xiaomi នៅកន្លែងដែលក្រុមហ៊ុន Apple បានបរាជ័យនេះបានបង្កើនកេរ្តិ៍ឈ្មោះរបស់លោក ឡី ដែលនឹងធ្វើឱ្យក្រុមហ៊ុនរបស់លោកក្លាយជាក្រុមហ៊ុនដ៏មានតម្លៃបំផុតនៅក្នុងប្រទេសចិន និងបានអង្រួនទាំងឧស្សាហកម្មបច្ចេកវិទ្យា និងរថយន្តផងដែរ៕
ដោយ៖ សុខ មង្គល
