អ្នកសារព័ត៌មានថៃ ដ៏ល្បីមួយរូបបានរំលឹកពីមេរៀនជាតិនិយម និងល្បិចនយោបាយរបស់មេដឹកនាំថៃ
ស្របពេលសង្គ្រាមឈ្លានពានរបស់យោធាថៃ មកលើដែនអធិបតេយ្យកម្ពុជា កាន់តែស៊ីជម្រៅ និងឡើងកម្តៅកាន់តែខ្លាំងនោះ អ្នកសារព័ត៌មានដ៏ល្បីមួយរូបរបស់ថៃ ប្រ…
លោកបណ្ឌិត គិន ភា អ្នកជំនាញវិទ្យាសាស្រ្តនយោបាយ បានលើកឡើងថា កម្ពុជា មិនមែនជាប្រទេសដែលស្រលាញ់សង្គ្រាមនោះទេ ព្រោះតាមរយៈបទពិសោធន៍ឆ្លងកាត់សង្គ្រាមជាច្រើនទសវត្សរ៍កន្លងមកនេះ បានធ្វើឱ្យប្រទេសមួយនេះឆ្អែតឆ្អន់ជាមួយការធ្វើសឹកសង្គ្រាមហើយកម្ពុជា ស្វាគមន៍ជាមួយសំណើរណាដែលអាចដោះស្រាយជម្លោះដោយសន្តិវិធីឈានទៅរកសន្តិភាព ដោយគោរពតាមច្បាប់អន្តរជាតិ។
តែយ៉ាងណាអ្នកជំនាញរូបនេះសង្កេតឃើញថា ទោះជាមានកិច្ចព្រមព្រៀងយ៉ាងណាក៏ដោយ ក៏ថៃ ហាក់មិនអើពើនោះដែរ ដូចនេះតម្រូវឱ្យថៃ អនុវត្តតាមសំណើរបស់ខ្លួនឱ្យបានខ្ជាប់ខ្ជួនជាមុនសិន ព្រោះតាមរយៈជម្លោះបែងចែកបក្សពួកផ្ទៃក្នុងប្រទេសថៃ កំពុងផ្ដល់ភាពលំបាកសម្រាប់កម្ពុជា ក្នុងការទុកចិត្តនយោបាយរបស់ថៃណាស់។ លោកបណ្ឌិត ហាក់បង្ហាញពីក្ដីព្រួយបារម្ភចំពោះការបញ្ចប់សង្គ្រាមកម្ពុជា និងថៃ ព្រោះតាមបទពិសោធន៍កន្លងទៅបានបង្ហាញថា ប្រទេសថៃ មិនមានភាពស្មោះត្រង់ក្នុងការដោះស្រាយជម្លោះព្រំដែនជាមួយកម្ពុជាដោយសន្តិវិធីនោះឡើយ។
ជាមួយគ្នានេះ លោក សេក សុជាតិ អ្នកប្រឹក្សាយោបល់ផ្នែកអភិវឌ្ឍន៍ផ្នត់គំនិត និងការស្រាវជ្រាវ បានចាត់ទុកការដាក់សំណើរបស់ថៃ ធ្វើជាលក្ខខណ្ឌក្នុងការចរចាបទឈប់បាញ់ជាមួយកម្ពុជានេះ វាហាក់ដូចជាប្រាស់ចាកពីការពិត ព្រោះភាគីថៃ ជាអ្នកឈ្លានពានលើកម្ពុជា ដែលតម្រូវឱ្យថៃខ្លួនឯងប្រកាសបញ្ឈប់សង្គ្រាមជាមួយកម្ពុជាមុន នោះទើបសមហេតុសមផល។
សម្រាប់អ្នកជំនាញរូបនេះ ក្នុងទិដ្ឋភាពបច្ចុប្បន្ន កម្ពុជា មិនអាចធ្វើតាមសំណើរបស់ថៃបាននោះទេ ព្រោះកម្ពុជា តែងតែគោរពបទឈប់បាញ់ និងមិនដែលបង្កជម្លោះម្តងណាដូចការចោទប្រកាន់របស់យោធាថៃ នោះឡើយ។ អ្នកជំនាញរូបនេះយល់ថា លក្ខខណ្ឌទាំង៣ដែលថៃ ដាក់មកលើកម្ពុជា គួរតែថៃ ជាអ្នកអនុវត្តខ្លួនឯង៕
អត្ថបទ៖ ជា ម៉ារ៉ា
