ប្រមុខការទូតកម្ពុជា បកអាក្រាតថៃ នៅក្នុងកិច្ចប្រជុំក្រុមប្រឹក្សាសិទ្ធិមនុស្ស UN ជុំវិញរឿងព័ទ្ធយកដីកម្ពុជា
ប្រមុខការទូតកម្ពុជា បកអាក្រាតថៃ នៅក្នុងកិច្ចប្រជុំក្រុមប្រឹក្សាសិទ្ធិមនុស្ស UN ជុំវិញរឿងព័ទ្ធយកដីកម្ពុជា។ ឯកឧត្តមឧបនាយករដ្ឋមន្ត្រី ប្រាក់ សុខុ…
យោងតាមការចុះផ្សាយរបស់ទីភ្នាក់ងារព័ត៌មាន Arab News កាលពីថ្ងៃទី២៤ ខែកុម្ភៈ កន្លងទៅ រដ្ឋាភិបាលជប៉ុន បានកំណត់យកខែមីនា ឆ្នាំ២០៣១ ជាពេលដាក់ពង្រាយមីស៊ីលការពារអាកាសនៅលើកោះដាច់ស្រយាលភាគនីរតី ដែលស្ថិតនៅកៀកបំផុតនឹងកោះតៃវ៉ាន់។ នេះគឺជាលើកដំបូងហើយ ដែលទីក្រុងតូក្យូ បានបញ្ជាក់ពីកាលវិភាគច្បាស់លាស់ បន្ទាប់ពីបានបង្ហើបពីផែនការនេះតាំងពីឆ្នាំ២០២២ ដើម្បីពង្រឹងខែលការពារអាកាសនៅតំបន់យុទ្ធសាស្ត្រ ដែលមានមូលដ្ឋានទ័ពស្រាប់។
ការសម្រេចចិត្តនេះកើតឡើងចំពេល ដែលទំនាក់ទំនងរវាងជប៉ុន និងចិន កំពុងស្ថិតក្នុងភាពរកាំរកូស។ ភ្លាមៗបន្ទាប់ពីមានការប្រកាសនេះ ទីក្រុងប៉េកាំង បានវាយបកវិញភ្លាមៗតាមរយៈការដាក់កម្រិតការនាំចេញលើក្រុមហ៊ុនជប៉ុន រាប់សិបកន្លែង ដោយចោទប្រកាន់ថា ក្រុមហ៊ុនទាំងនោះបានរួមចំណែកដល់ការកសាងកម្លាំងយោធារបស់ជប៉ុន។
រដ្ឋមន្ត្រីការពារជាតិជប៉ុន ដែលទើបតែបានចុះទៅពិនិត្យកោះខាងលើកាលពីខែវិច្ឆិកា បានបញ្ជាក់ថា ក្រសួងការពារជាតិនឹងរៀបចំសន្និសីទខ្លីមួយនៅសប្តាហ៍ក្រោយ ដើម្បីផ្តល់ព័ត៌មាន និងការណែនាំដល់ប្រជាជនមូលដ្ឋានអំពីគម្រោងនេះ។ អ្វីដែលគួរឱ្យកត់សម្គាល់កោះ ដែលជប៉ុនគ្រោងដំឡើងប្រព័ន្ធការពារដែនអាកាសនេះមានចម្ងាយត្រឹមតែ១១០គីឡូម៉ែត្រពីកោះតៃវ៉ាន់តែប៉ុណ្ណោះ ប៉ុន្តែនៅឆ្ងាយពីទីក្រុងតូក្យូ រហូតដល់ទៅ១,៩០០គីឡូម៉ែត្រ។
ស្របពេលចិន មិនបោះបង់លទ្ធភាពប្រើប្រាស់កម្លាំងយោធាលើកោះតៃវ៉ាន់ នាយករដ្ឋមន្ត្រីជប៉ុនលោកស្រី សាណាអិ តាកាអ៊ិឈិ (Sanae Takaichi) ក៏បានបង្ហាញជំហររឹងមាំកាលពីខែវិច្ឆិកា ថា ជប៉ុន អាចនឹងធ្វើអន្តរាគមន៍យោធា ប្រសិនបើមានការវាយប្រហារណាមួយលើកោះតៃវ៉ាន់៕
អត្ថបទៈ សួន ឡង់ទី
