អាម៉េរិកទទូចឱ្យកម្ពុជា និងថៃបញ្ឈប់ជម្លោះប្រដាប់អាវុធតាមព្រំដែនជាបន្ទាន់
សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជានៅល្ងាចថ្ងៃទី២៤ ខែកក្កដា បានផ្ញើលិខិតចំហមួយច្បាប់ទៅកាន់ប្រធានក្រុមប្រឹក្សាសន្តិសុខអង្គការសហស…
លោក ឆារ៉ាំផាកន ព្រំផាកន (Charamphakorn Promphakorn) មេបញ្ជាការរងនៃបញ្ជាការដ្ឋានការពារព្រំដែនចាន់ថាប៊ូរី-ត្រាត នៅក្នុងប្រទេសថៃ បាននិយាយនៅព្រឹកថ្ងៃសុក្រ នេះថា ប្រជាជនកម្ពុជាជាង២ពាន់នាក់បានប្រមូលផ្តុំគ្នានៅប៉ុស្តិ៍ត្រួតពិនិត្យបានឡែម ដើម្បីឆ្លងដែនចូលមកកាន់ប្រទេសកម្ពុជា។ លោកបានអះអាងថា ក្រុមការងារដែនសមុទ្រខេត្តចាន់ថាប៊ូរី បានចេញសេចក្តីណែនាំពិសេសមួយ ដើម្បីជួយសម្រួលដល់ការធ្វើដំណើរប្រកបដោយសុវត្ថិភាព និងសណ្តាប់ធ្នាប់ទាំងជនជាតិថៃ និងកម្ពុជា ដែលចង់ត្រឡប់ទៅប្រទេសរបស់ពួកគេវិញរៀងៗខ្លួន។
ច្រកព្រំដែនបានឡែម ត្រូវបានបើកជាបណ្ដោះអាសន្នសម្រាប់ការធ្វើដំណើរឆ្លងដែនចាប់ពីម៉ោង៩ព្រឹកដល់ម៉ោង៣រសៀលជារៀងរាល់ថ្ងៃដោយចាប់ផ្តើមពីថ្ងៃព្រហស្បតិ៍ ម្សិលមិញនេះ ហើយមន្ត្រីព្រំដែនត្រូវបានប្រចាំការនៅទីនោះ ដើម្បីផ្តល់ជំនួយ និងធានាឱ្យដំណើរការប្រព្រឹត្តទៅដោយរលូនសម្រាប់អ្នកដែលចង់ត្រឡប់ទៅប្រទេសកំណើតវិញ។
សូមបញ្ជាក់ថា កងទ័ពថៃ និងកម្ពុជានៅតែបន្តបាញ់ប្រហារគ្នាដោយប្រើអាវុធធុនធ្ងន់នៅថ្ងៃសុក្រ នេះ នៅខេត្តចំនួនពីរស្ថិតនៅភាគឦសានប្រទេសថៃជាប់នឹងព្រំដែនកម្ពុជាបន្ទាប់ពីការចាប់ផ្ដើមប៉ះទង្គិចគ្នាកាលពីព្រឹកថ្ងៃព្រហស្បតិ៍។
យោធភូមិភាគ២របស់ថៃបានរាយការណ៍ពីការប៉ះទង្គិចគ្នាតាំងពីព្រឹកព្រលឹមថ្ងៃនេះនៅក្នុងខេត្តអ៊ូប៊ុនរ៉ាតឆាថានី និងខេត្តស៊ូរីន ហើយបាននិយាយថា កម្ពុជាបានប្រើប្រាស់កាំភ្លើងធំ និងប្រព័ន្ធរ៉ុក្កែត BM-21 ដែលផលិតដោយប្រទេសរុស្ស៊ី។ អាជ្ញាធរថៃបាននិយាយថា មនុស្សចំនួន១០ម៉ឺននាក់ត្រូវបានជម្លៀសចេញពីតំបន់ជម្លោះទៅកាន់កន្លែងមានសុវត្ថិភាព៕
ដោយ៖ សុខ មង្គល
