សហភាពអឺរ៉ុបនឹងបង្កើនវិធានការផ្ចាញ់តបចំពោះអាម៉េរិក ក្រោយគ្មានក្ដីសង្ឃឹមថា អាម៉េរិកនឹងបន្ធូរបន្ថយពន្ធដល់ខ្លួន
ក្រុមអ្នកការទូតសហភាពអឺរ៉ុប បានអះអាងថា សហភាពអឺរ៉ុប កំពុងស្វែងរកវិធានការសងសឹកដ៏ទូលំទូលាយតាមតែអាចធ្វើទៅបាន ដើម្បីប្រឆាំងនឹងវិធានការពន្…
ស្របពេលមានការខិតខំប្រឹងប្រែងកាន់តែខ្លាំងឡើងដើម្បីកាត់ផ្ដាច់ប្រព័ន្ធទូរសព្ទចល័ត និងអ៊ីនធឺណិតរបស់ក្រុមឧក្រិដ្ឋជនឆបោកតាមប្រព័ន្ធអនឡាញ ឬ Online Scam នៅប្រទេសមីយ៉ាន់ម៉ា ដែលធ្វើសកម្មភាពបោកប្រាស់លុយរបស់ជនរងគ្រោះទូទាំងពិភពលោកយ៉ាងសកម្ម ឧក្រិដ្ឋជនទាំងនេះ កំពុងបង្កើនការប្រើប្រាស់ផ្កាយរណបអ៊ីនធឺណិតល្បឿនលឿន Starlink របស់កំពូលមហាសេដ្ឋីមានបំផុតរបស់ពិភពលោក Elon Musk ដើម្បីបោកប្រាស់ជនរងគ្រោះបន្ថែមទៀត។
បន្ទាប់ពីប្រទេសថៃ បានបិទរលកសញ្ញាទូរគមនាគមន៍ និងខ្សែកាបទៅកាន់ប្រទេសមីយ៉ាន់ម៉ា កាលពីអំឡុងខែឧសភា ឆ្នាំ២០២៤ ការប្រើប្រាស់ផ្កាយរណបអ៊ីនធឺណិតល្បឿនលឿន Starlink នៅតាមទីតាំងប្រព្រឹត្តអំពើឆបោកតាមប្រព័ន្ធអនឡាញក្នុងប្រទេសមីយ៉ាន់ម៉ា បានកើនឡើងលើសទ្វេដងគិតត្រឹមខែមេសា ឆ្នាំ២០២៥។ នេះបើយោងតាមទិន្នន័យពីអង្គការអន្តរជាតិមួយដែលមានឈ្មោះថា បេសកកម្មយុត្តិធម៌អន្តរជាតិ (IJM)។
អង្គការអន្តរជាតិ ខាងលើនេះ បានតាមដានទិន្នន័យទូរសព្ទចល័ត និងរូបភាពពី Google Earth ដែលបង្ហាញពីថាសផ្កាយរណបពណ៌សរបស់ Starlink លេចឡើងព្រោងព្រាតនៅលើដំបូលនៃទីតាំងប្រព្រឹត្តអំពើឆបោកតាមប្រព័ន្ធអនឡាញនានា។
គិតត្រឹមខែមេសា ឆ្នាំ២០២៥ បង្ហាញថា ការភ្ជាប់ផ្កាយរណបអ៊ីនធឺណិតល្បឿនលឿន Starlink រហូតដល់ទៅ២,៤៩២ ត្រូវបានរកឃើញនៅក្នុងគេហទំព័របោកប្រាស់ធំៗចំនួនត្រឹមតែ៨ប៉ុណ្ណោះ ដែលបានកើនឡើងទ្វេដងបើធៀបនឹងឆ្នាំមុន។
ផ្កាយរណបអ៊ីនធឺណិត Starlink ទោះបីជាមិនត្រូវបានអនុញ្ញាតឱ្យបើកដំណើរការជាផ្លូវការក្នុងប្រទេសមីយ៉ាន់ម៉ា យ៉ាងណាក្ដី ក៏វាបានក្លាយជាប្រភពអ៊ីនធឺណិតដ៏សំខាន់សម្រាប់ទីតាំងប្រព្រឹត្តអំពើឆបោកតាមប្រព័ន្ធអនឡាញ ដោយសារថាសផ្កាយរណបទាំងនេះមានទំហំតូច ងាយស្រួលយកតាមខ្លួន និងងាយស្រួលរត់ពន្ធ ដែលជួយឱ្យក្រុមឧក្រិដ្ឋជនឆបោកតាមប្រព័ន្ធអនឡាញនៅតែអាចធ្វើសកម្មភាពបានទោះជាមានការបង្ក្រាបក៏ដោយ៕
ដោយ: តែម សុខុម
