សង្គ្រាមអ៊ីរ៉ង់ ដែលរុញឱ្យតម្លៃប្រេងហក់ឡើងខ្ពស់បានទាញទម្លាក់សកម្មភាពផលិតកម្មនៅឥណ្ឌូណេស៊ី និងវៀតណាម ឱ្យធ្លាក់ចុះ
សកម្មភាពផលិតនៅក្នុងប្រទេសឥណ្ឌូនេស៊ី វៀតណាម និងបណ្តាប្រទេសផ្សេងទៀតនៅអាស៊ី កំពុងចាប់ផ្តើមទទួលរងផលប៉ះពាល់ពីសង្គ្រាមនៅមជ្ឈិមបូព៌ាបណ្ដើរៗហើយ …
សារព័ត៌មាន Nikkei Asia បានរាយការណ៍ថា រដ្ឋមន្ត្រីការបរទេសប៉ាគីស្ថាន លោក មហាម៉ាត់ អ៊ីសាក ដា (Mohammad Ishaq Dar) បានធ្វើទស្សនកិច្ចនៅទីក្រុងប៉េកាំង និងបានជួបជាមួយរដ្ឋមន្ត្រីការបរទេសចិន លោក វ៉ាង យី (Wang Yi) ដោយភាគីទាំងពីរបានយល់ព្រមគាំទ្រសន្តិភាព ស្ថិរភាព និងការសន្ទនា ហើយបានប្រកាសផែនការសន្តិភាព៥ចំណុច រួមមាន បទឈប់បាញ់ភ្លាមៗ, ការចាប់ផ្តើមកិច្ចចរចាសន្តិភាពយ៉ាងឆាប់រហ័ស, ការការពារទីតាំងស៊ីវិល, ការធានាសុវត្ថិភាពផ្លូវដឹកជញ្ជូន ជាពិសេសនៅក្នុងច្រកសមុទ្រ Hormuz និងការគោរពធម្មនុញ្ញអង្គការសហប្រជាជាតិ។
ប្រទេសប៉ាគីស្ថាន សង្ឃឹមថា ការគាំទ្ររបស់ប្រទេសចិន នឹងពង្រឹងតួនាទីរបស់ខ្លួនជាអ្នកសម្របសម្រួលរវាងសហរដ្ឋអាម៉េរិក និងអ៊ីរ៉ង់។ ទោះជាយ៉ាងណា ក្រុមអ្នកជំនាញមិនប្រាកដថា កិច្ចខិតខំប្រឹងប្រែងនេះនឹងទទួលបានជោគជ័យ ឬអត់នោះទេ ដោយអ្នកខ្លះនិយាយថា អ៊ីរ៉ង់ប្រហែលជាមិនទុកចិត្តប៉ាគីស្ថានទាំងស្រុងទេ ដោយសារតែប៉ាគីស្ថានមានទំនាក់ទំនងជិតស្និទ្ធជាមួយសហរដ្ឋអាម៉េរិក ខណៈដែលអ្នកផ្សេងទៀតជឿថា ប្រទេសចិន ផ្តោតសំខាន់លើការការពារផលប្រយោជន៍ផ្ទាល់ខ្លួន ជាពិសេសការរក្សាផ្លូវពាណិជ្ជកម្មដូចជាបើកច្រកសមុទ្រ Hormuz ជាដើម៕
ដោយ: តែម សុខុម
