គ្រោះទឹកជំនន់ដ៏មហន្តរាយមិនធូរស្រាលផង អ្នកជំនាញព្រមានថា ថៃនឹងរងឥទ្ធិពលពីព្យុះទីហ្វុងចំនួនពីរបន្ថែមទៀត
ខណៈពេលដែលពលរដ្ឋថៃ នៅភាគខាងត្បូង មិនទាន់បោសសម្អាត និងបញ្ចប់ក្តីខឹងសម្បារនឹងចំណាត់ការបង្ការ និងសង្រ្គោះពលរដ្ឋរងគ្រោះពីរដ្ឋាភិបាលមិនទាន់ចប…
អ្នករាយការណ៍ពិសេសទទួលបន្ទុកស្ថានភាពសិទ្ធិមនុស្សនៅកម្ពុជា ដែលជាជនជាតិថៃ ធ្វើការឱ្យមានស្តង់ដានៃឯករាជ្យភាព និងមិនលម្អៀង និងលើកទឹកចិត្តឱ្យបន្តគោរពក្រមប្រតិបត្តិ និងឆ្លើយតបឱ្យបានសមស្រប និងទាន់ពេលវេលាចំពោះស្ថានការណ៍បន្ទាន់ ដែលប៉ះពាល់ដល់ប្រជាជនស៊ីវិលនៅតាមបណ្ដោយព្រំដែនកម្ពុជា-ថៃ ក្រោយស្ថានបេសកកម្មកត់សម្គាល់ឃើញថា អ្នករាយការណ៍ពិសេសរូបនេះ ចេញសេចក្ដីប្រកាសព័ត៌មានពុំបានផ្ដោតសំខាន់ទៅលើបញ្ហាសិទ្ធិមនុស្ស ដែលពាក់ព័ន្ធនឹងជម្លោះប្រដាប់អាវុធកម្ពុជា-ថៃ នៅតាមបណ្ដោយព្រំដែន។
ស្ថានបេសកកម្មអចិន្ត្រៃយ៍កម្ពុជា ប្រចាំអង្គការសហប្រជាជាតិ និងអង្គការអន្តរជាតិនានា នៅទីក្រុងហ្សឺណែវ បានក្រើនរំលឹកដល់លោក វីទីត មុនតាប៊ន អ្នករាយការណ៍ពិសេសទទួលបន្ទុកស្ថានភាពសិទ្ធិមនុស្សនៅកម្ពុជា ឱ្យគោរពតាមស្តង់ដានៃឯករាជ្យភាព ភាពមិនលម្អៀង ការប្រកាន់វិជ្ជាជីវៈ និងការយកចិត្តទុកដាក់ត្រឹមត្រូវ ដែលជាមាគ៌ាណែនាំចំពោះការអនុវត្តនៅក្នុងប្រព័ន្ធនីតិវិធីពិសេសរបស់ក្រុមប្រឹក្សាសិទ្ធិមនុស្ស ត្រូវបានកំណត់នៅក្នុងក្រមប្រតិបត្តិសម្រាប់អ្នកកាន់អាណត្តិ ដោយតម្រូវឱ្យអ្នកកាន់អាណត្តិធានាថា កិច្ចអន្តរាគមន៍ ត្រូវមានលក្ខណៈមិនលម្អៀងត្រឹមត្រូវ និងជាក់លាក់ និងត្រូវផ្ដល់ការពិចារណាត្រឹមត្រូវ និងពិតប្រាកដចំពោះព័ត៌មានដែលផ្ដល់ជូនដោយរដ្ឋពាក់ព័ន្ធទាំងអស់។
ការក្រើនរំលឹកបែបនេះធ្វើឡើងក្រោយស្ថានបេសកកម្មអចិន្ត្រៃយ៍កម្ពុជា កត់សម្គាល់ឃើញថា តាមរយៈសេចក្ដីប្រកាសព័ត៌មានរបស់លោក វីទីត មុនតាប៊ន គឺពុំបានផ្ដោតសំខាន់ទៅលើបញ្ហាសិទ្ធិមនុស្សដែលពាក់ព័ន្ធនឹងជម្លោះប្រដាប់អាវុធកម្ពុជា-ថៃ នៅតាមបណ្ដោយព្រំដែនឡើយ ពោលគឺភាពធ្ងន់ធ្ងរ និងភាពជាក់លាក់នៃបញ្ហាដែលបានលើកឡើង ទាំងនៅចំពោះមុខអ្នករាយការណ៍ពិសេស និងនៅក្នុងវេទិកាអន្តរជាតិនានា រួមទាំងក្រុមប្រឹក្សាសិទ្ធិមនុស្សផងដែរនោះ គួរតែត្រូវទទួលបានការយកចិត្តទុកដាក់ និងផ្ដោតសំខាន់ច្រើនជាងនេះ ខណៈការបញ្ចេញមតិយោបល់ជាលក្ខណៈទូទៅ និងទូលំទូលាយបែបនេះពុំបានឆ្លុះបញ្ចាំងពេញលេញ ស្របតាមព័ត៌មានដែលបានចងក្រង ឬហានិភ័យចំពោះមុខដែលប្រជាជនស៊ីវិលរងផលប៉ះពាល់នោះទេ។ ជាមួយគ្នានេះ កម្ពុជា កត់សម្គាល់ឃើញថា ភស្តុតាង និងការព្រួយបារម្ភផ្នែកច្បាប់ ដែលបានផ្តល់ទៅអ្នកកាន់អាណត្តិជាបន្តបន្ទាប់ មិនទាន់ទទួលបានការយកចិត្តទុកដាក់សមស្របនៅឡើយទេ និងសង្ឃឹមថា ការចូលរួមនៅពេលអនាគតនឹងមានភាពច្បាស់លាស់ តម្លាភាព និងការប្ដេជ្ញាចិត្តខ្ពស់ជាងនេះក្នុងកម្រិតដែលអ្នកកាន់អាណត្តិត្រូវមាន។
យ៉ាងណាមិញ ដោយមើលឃើញពីហានិភ័យធ្ងន់ធ្ងរដែលប្រជាជនស៊ីវិលនៅតាមបណ្ដោយព្រំដែនកំពុងប្រឈមមុខនៅពេលបច្ចុប្បន្ន កម្ពុជា ជឿជាក់ថា ការចូលរួមកាន់តែគ្រប់ជ្រុងជ្រោយបន្ថែមទៀតនឹងរួមចំណែកធំធេងក្នុងការដោះស្រាយស្ថានការណ៍នេះ ហើយការចូលរួមដោះស្រាយបញ្ហាដោយបើកចំហ និងស៊ីជម្រៅពីសំណាក់អ្នករាយការណ៍ពិសេសនៅតែមានសារសំខាន់។ ដូច្នេះហើយ កម្ពុជា សង្ឃឹមថា លោក មុនតាប៊ន នឹងបន្តប្រកាន់ខ្ជាប់ចំពោះក្រមប្រតិបត្តិ និងពិចារណាដោយប្រុងប្រយ័ត្នចំពោះការព្រួយបារម្ភដែលកើតមានឡើង ក្នុងន័យចូលរួមពង្រឹងសុចរិតភាពនៃប្រព័ន្ធនីតិវិធីពិសេសរបស់ក្រុមប្រឹក្សាសិទ្ធិមនុស្ស និងលើកទឹកចិត្តឱ្យអ្នករាយការណ៍រូបនេះ បន្តគោរពក្រមប្រតិបត្តិ និងឆ្លើយតបឱ្យបានសមស្រប និងទាន់ពេលវេលាចំពោះស្ថានការណ៍បន្ទាន់ដែលប៉ះពាល់ដល់ប្រជាជនស៊ីវិលនៅតាមបណ្ដោយព្រំដែន។
កម្ពុជា បន្តប្តេជ្ញាចិត្តចំពោះកិច្ចសហប្រតិបត្តិការប្រកបដោយភាពស្ថាបនាជាមួយនឹងយន្តការសិទ្ធិមនុស្សរបស់អង្គការសហប្រជាជាតិ និងទន្ទឹងរង់ចាំឱ្យមានការចូលរួមប្រកបដោយអត្ថន័យ និងស៊ីជម្រៅចំពោះការព្រួយបារម្ភអំពីបញ្ហាសិទ្ធិមនុស្សដែលកើតឡើងពីជម្លោះប្រដាប់អាវុធកម្ពុជា-ថៃ៕
