តើពលរដ្ឋភៀសសឹកអាចគួរធ្វើអ្វីខ្លះជាបណ្តោះអាសន្ន ដើម្បីទ្រទ្រង់ការរស់នៅពេលសង្រា្គមមិនដឹងចប់នៅពេលណា?
សង្រ្គាមឈ្លានពានរបស់យោធាថៃ មកលើកម្ពុជា បានបង្ខំឱ្យពលរដ្ឋខ្មែររស់នៅតាមបណ្ដាខេត្តជាប់ព្រំដែនជាង៦៣ម៉ឺននាក់ ត្រូវចាកចេញពីផ្ទះសម្បែងទៅរកទីកន្លែង…
លោក ឡុង សំណាង ប្រធានផ្នែកប្រឹក្សាយោបល់ហិរញ្ញវត្ថុ នៃក្រុមហ៊ុនមូលបត្រ ភីភីលីង បានវាយតម្លៃថា ប្រសិនបើស្ថានភាពរបស់ពិភពលោកក្នុងឆ្នាំ២០២៦ នៅតែបន្តមានភាពតានតឹង នោះតម្លៃមាសអាចនឹងហក់ឡើងលើស ៦ពាន់ដុល្លារក្នុង១តម្លឹង។ ទោះបីតម្លៃមាសអាចហក់ឡើងថ្លៃខ្ពស់ក៏ពិតមែន តែអ្នកជំនាញរូបនេះ ស្នើដល់អ្នកជួញដូរមាសទាំងអស់ឱ្យពិចារណា និងថ្លឹងថ្លែងពីស្ថានភាពជាក់ស្ដែងនៅលើទីផ្សារ ដើម្បីការពារហានិភ័យ ដែលអាចកើតមានឡើងផងដែរ។
ស្រដៀងគ្នានេះ លោក សេក ធារម្យ អ្នកជំនាញជួញដូរហាងឆេងមាស និងរូបិយប័ណ្ណអន្តរជាតិ កត់សម្គាល់ឃើញថា ភាពតានតឹងនៃភូមិសាស្រ្តនយោបាយបានធ្វើឱ្យតម្លៃហាងឆេងមាសអន្តរជាតិ ហក់ឡើងថ្លៃជាបន្តបន្ទាប់។ បើតាមការវាយតម្លៃរបស់អ្នកជំនាញរូបនេះ ប្រសិនបើស្ថានភាពរបស់ពិភពលោកនៅតែបន្តមានភាពតានតឹង នោះតម្លៃហាងឆេងមាសនឹងបន្តឡើងថ្លៃរហូតដល់៦ពាន់ដុល្លារក្នុង១តម្លឹងនាពេលខាងមុខ។
សូមបញ្ជាក់ថា តម្លៃហាងឆេងមាសនៅលើទីផ្សារអន្តរជាតិ កាលពីថ្ងៃទី២៤ ខែធ្នូ ឆ្នាំ២០២៥ បានហក់ឡើងដល់៥,៥២៤ដុល្លារអាម៉េរិកក្នុងមួយតម្លឹង តែបានធ្លាក់ចុះបន្តិចមកនៅត្រឹម៥,៣៨៧ដុល្លារក្នុង១តម្លឹងនៅមួយថ្ងៃបន្ទាប់៕
អត្ថបទ៖ បូ ដូឡា
