ធនាគារ ខេប៊ីប្រាសាក់ ប្រារព្ធពិធីបញ្ចុះបឋមសិលាសាងសង់អគារមត្តេយ្យ ដែលផ្ដួចផ្ដើមដោយធនាគារជាតិនៃកម្ពុជា
អគារមត្តេយ្យសិក្សានៅសាលាបឋមសិក្សាសំបូរ ស្ថិតក្នុងភូមិសំបូរ ឃុំសំបូរ ស្រុកប្រាសាទសំបូរ ខេត្តកំពង់ធំ ត្រូវបានប្រារព្ធពិធីបញ្ចុះបឋមសិលាសាងសង…
បើយោងតាមការចុះផ្សាយសារព័ត៌មាន CNBC លោក ដូណាល់ ត្រាំ ប្រធានាធិបតីសហរដ្ឋអាម៉េរិក បានប្រាប់អ្នកសារព័ត៌មាននៅលើយន្តហោះ Air Force One កាលពីពេលថ្មីៗថា លិខិតកំណត់ពន្ធបដិការសម្រាប់ប្រទេសចំនួន១២ ត្រូវបានចុះហត្ថលេខារួចរាល់ហើយ ហើយលិខិតនេះនឹងប្រកាសជាផ្លូវការនៅថ្ងៃទី៧ ខែកក្កដា ម៉ោងនៅសហរដ្ឋអាម៉េរិក។ បើតាមការអះអាងរបស់លោក ត្រាំ លិខិតនោះបានកំណត់ពីទំហំ និងកម្រិតពន្ធ ដែលប្រទេសទាំងនោះត្រូវអនុវត្តពន្ធពេលនាំចេញទំនិញទៅកាន់សហរដ្ឋអាម៉េរិក។ តែយ៉ាងណាលោក ត្រាំ មិនបានបង្ហាញបញ្ជីឈ្មោះប្រទេសទាំងនេះនោះទេ។
កាលពីថ្ងៃទី២ ខែមេសា ឆ្នាំ២០២៥ លោក ត្រាំ បានកំណត់ពន្ធបដិការចន្លោះពី១០% ទៅ៥០% លើប្រទេស និងដែនដីជាង១៨០ ដែលនាំចេញទំនិញទៅកាន់ទីផ្សារសហរដ្ឋអាម៉េរិក។ ប៉ុន្តែក្រោយមកនៅថ្ងៃទី៩ ខែដដែល លោក បានប្រកាសពន្យារពេលអនុវត្តពន្ធនេះចំនួន៩០ថ្ងៃ ដោយអនុវត្តពន្ធត្រឹម១០% ប៉ុណ្ណោះ ខណៈឱសានវាទនៃការពន្យារពេលនេះនឹងផុតកំណត់ត្រឹមថ្ងៃទី៩ ខែកក្កដា នេះ។ ក្រោយលោក ត្រាំ ដាក់ចេញវិធានការពន្ធនេះ គេសង្កេតឃើញមានប្រទេសចំនួន១៨ រួមទាំងកម្ពុជា បានខិតខំប្រឹងប្រែងចរចា ជាមួយសហរដ្ឋអាម៉េរិកលើបញ្ហានេះ។
សម្រាប់កម្ពុជា អង្គភាពអ្នកនាំពាក្យរាជរដ្ឋាភិបាល បានប្រកាសកាលពីថ្ងៃទី៤ ខែកក្កដា ថា កម្ពុជា និងសហរដ្ឋអាម៉េរិក បានឯកភាពលើសេចក្តីព្រាងសេចក្តីថ្លែងការណ៍រួម ស្តីពីកិច្ចព្រមព្រៀងក្របខណ្ឌពន្ធបដិការរវាងសហរដ្ឋអាម៉េរិក និងកម្ពុជា តែសេចក្តីព្រាងសេចក្តីថ្លែងការណ៍នេះមិនទាន់ត្រូវបានផ្សព្វផ្សាយជាសាធារណៈនៅឡើយទេ។
គួរបញ្ជាក់ថា នៅក្នុងរយៈពេល៥ខែដើមឆ្នាំ២០២៥ ការនាំចេញទំនិញរបស់សហរដ្ឋអាម៉េរិកសម្រេចបានជិត៩០៣ពាន់់លានដុល្លារ និងនាំចូលទំនិញមកវិញមានតម្លៃប្រមាណ១,៥ទ្រីលានដុល្លារអាម៉េរិក៕
ដោយៈ សរ សុជាតិ
