លោក ហ្សេឡិនស្គី ថា អាម៉េរិក កំពុងដាក់សម្ពាធឱ្យអ៊ុយក្រែន និងរុស្ស៊ី បញ្ចប់សង្គ្រាមនៅខែមិថុនា
ប្រធានាធិបតីអ៊ុយក្រែន លោក វ្ល៉ូឌីមៀ ហ្សេឡេនស្គី បានទម្លាយឱ្យដឹងថា សហរដ្ឋអាម៉េរិកកំពុងជំរុញឱ្យអ៊ុយក្រែន និងរុស្ស៊ី បញ្ចប់សង្គ្រាម ដែលបានអូស…
ក្រុមហ៊ុនគ្រីបតូរបស់កូរ៉េខាងត្បូង ប៊ីតសាំ បានចេញមកសុំទោសជាសាធារណៈចំពោះកំហុស ដែលខ្លួនបានផ្ញើគ្រីបតូ Bitcoin ទៅកាន់គណនីអតិថិជនច្រឡំកាលពីចុងសប្តាហ៍មុន។ ក្រុមហ៊ុននេះ បានអះអាងថា មកទល់ពេលនេះខ្លួនបានទាញយកមកវិញបាន៩៩,៧%ហើយនៃចំនួនកាក់ Bitcoin ទាំងអស់ចំនួន៦២ម៉ឺនកាក់ ដែលមានតម្លៃប្រមាណ៤៤ពាន់លានដុល្លារ។ ក្រុមហ៊ុននេះបានដាក់កម្រិតលើការជួញដូរ និងការដកប្រាក់សម្រាប់អតិថិជន ដែលពាក់ព័ន្ធចំនួន៦៩៥នាក់ក្នុងរយៈពេល៣៥នាទី។
ដើមឡើយផ្សារហ៊ុនមានគម្រោងចែករង្វាន់សាច់ប្រាក់បន្តិចបន្តួចប្រមាណ២,០០០វ៉ុន ឬប្រមាណ១,៤ដុល្លារ ឬច្រើនជាងនេះទៅឱ្យអ្នកប្រើប្រាស់ម្នាក់ៗក្នុងឋានៈជាផ្នែកមួយ នៃព្រឹត្តិការណ៍ផ្សព្វផ្សាយ ប៉ុន្តែអ្នកឈ្នះបែរបានទទួលយ៉ាងតិច២,០០០កាក់ Bitcoin ទៅវិញ។ ភ្លាមៗនោះក្រុមហ៊ុនគ្រីបតូខាងលើបានបញ្ជាក់នៅក្នុងសេចក្តីថ្លែងការណ៍ថា៖«យើងសូមបញ្ជាក់ឱ្យបានច្បាស់ថា ឧប្បត្តិហេតុនេះមិនទាក់ទងនឹងការ Hack ចូលពីខាងក្រៅ ឬការរំលោភសុវត្ថិភាពអ្វីទេ និងមិនមានបញ្ហាអ្វីពាក់ព័ន្ធនឹងសុវត្ថិភាពរបស់ប្រព័ន្ធ ឬការគ្រប់គ្រងទ្រព្យសម្បត្តិរបស់អតិថិជនដែរ»។
ទោះជាយ៉ាងណានិយ័តករហិរញ្ញវត្ថុរបស់កូរ៉េខាងត្បូង រួមទាំងគណៈកម្មការសេវាកម្មហិរញ្ញវត្ថុបានលើកឡើងថា ឧប្បត្តិហេតុនេះបានបង្ហាញយ៉ាងច្បាស់ពីចំណុចខ្សោយ និងហានិភ័យនៅក្នុងវិស័យទ្រព្យសកម្មឌីជីថល។ ក្រោយកិច្ចប្រជុំបន្ទាន់ អាជ្ញាធរបានប្រកាសថា នឹងចាប់ផ្ដើមធ្វើការត្រួតពិនិត្យឡើងវិញលើប្រតិបត្តិការរបស់ក្រុមហ៊ុន Bithumb ក៏ដូចជាទីផ្សារប្តូរប្រាក់គ្រីបតូផ្សេងទៀត ដើម្បីធានាសុវត្ថិភាពដល់អ្នកវិនិយោគ៕
អត្ថបទៈ សួន ឡង់ទី
