កម្ពុជានឹងពង្រឹងការត្រួតពិនិត្យប្រភពដើមទំនិញនាំចេញទៅទីផ្សារអាម៉េរិក ដើម្បីបង្ការការធ្វើពាណិជ្ជកម្មមិនត្រឹមត្រូវ
កម្ពុជា ប្តេជ្ញានឹងបង្កើនការរឹតបន្តឹង និងត្រួតពិនិត្យលើការចេញវិញ្ញាបនបត្របញ្ជាក់ប្រភពដើមទំនិញ (CO) លើរាល់ទំនិញ ដែលនាំចេញទៅកាន់ទីផ្សារសហរ…
លោក ប្រាម៉ូត ចារើនស៊ីប (Pramote Charoensilp) ប្រធានសមាគមអ្នកធ្វើកសិកម្មថៃ បានអះអាងថា កសិករជាច្រើនរួមទាំងអ្នកធ្វើស្រែចម្ការ ដាំដំឡូងមី ដូងប្រេង និងកៅស៊ូ កំពុងជួបការលំបាកជាខ្លាំង ដោយសារតម្លៃដំណាំរបស់ពួកគេមានការធ្លាក់ចុះ ខណៈការចំណាយលើថ្លៃដើមសម្រាប់ការដាំដុះចេះតែមានការកើនឡើង។
ជាក់ស្តែងកាលពីសប្តាហ៍មុនស្រូវខុសរដូវដែលមានសំណើមលើសពី២៥% អាចលក់បានក្នុងតម្លៃជិត២១០ដុល្លារ ក្នុងមួយតោនតែប៉ុណ្ណោះ មានការធ្លាក់ចុះច្រើនគួរសមបើធៀបនឹងពីរបីឆ្នាំមុន ដែលអាចលក់បានរហូតដល់ជិត៣០០ដុល្លារក្នុង១តោន ខណៈការចំណាយលើថ្លៃដើមផលិតមានតម្លៃជិត២១០ដុល្លារក្នុងមួយតោនឯណោះ។ សម្រាប់ប្រធានសមាគមខាងលើ តម្លៃស្រូវខុសរដូវប្រភេទនេះ គួរតែមានតម្លៃជិត២៤០ដុល្លារ ឬជិត៣០០ដុល្លារក្នុងមួយតោន ទើបអាចទប់ទល់ការចំណាយ ដែលកំពុងមានការកើនឡើង និងផ្តល់ប្រាក់ចំណេញដល់កសិករ។
បើតាមការអះអាងរបស់លោក ប្រាម៉ូត កត្តាដែលធ្វើឱ្យតម្លៃស្រូវនៅថៃ មានការធ្លាក់ចុះ គឺដោយសារឥណ្ឌា បានបើកការនាំចេញអង្ករឡើងវិញ កាលពីចុងឆ្នាំ២០២៤ គួបផ្សំបច្ចុប្បន្នឥណ្ឌា កំពុងបង្កើនការនាំចេញអង្ករក្នុងបរិមាណដ៏ច្រើន ជាហេតុធ្វើឱ្យមានការកាត់បន្ថយការនាំចេញរបស់ប្រទេសថៃ។ លោកបានសង្កត់ធ្ងន់ថា មកទល់ពេលនេះរដ្ឋាភិបាលថៃ មិនទាន់ដាក់ចេញវិធានការណាមួយ ដើម្បីជួយដល់កសិករនៅឡើយទេ ហើយសំណើសុំជំនួយជិត៣០ដុល្លារក្នុងមួយរ៉ៃ (ប្រហែល១៦០០ម៉ែត្រការ៉េ)ពីរដ្ឋាភិបាល ក៏មិនទាន់ត្រូវបានអនុម័តនោះដែរ៕
ដោយ៖ សុខ មង្គល
