ទីផ្សារភាគហ៊ុនថៃ កំពុងចលាចល ក្រោយនាយករដ្ឋមន្ត្រីថៃរងបណ្ដឹងតុលាការធម្មនុញ្ញ ដែលនឹងកំណត់ជោគវាសនារបស់លោកស្រី ផៃថងថាន នៅថ្ងៃនេះ

ពាក្យបណ្ដឹងដែលដាក់ប្ដឹងដោយសមាជិកព្រឹទ្ធសភាថៃចំនួន៣៦រូបនេះបានចោទប្រកាន់លោកស្រី ផៃថងថាន ថាបានបំពានរដ្ឋធម្មនុញ្ញ និងក្រមសីលធម៌យ៉ាងធ្ងន់ធ្ងរ ហើយសមាជិកព្រឹទ្ធសភាទាំងនេះ ក៏កំពុងស្នើឱ្យតុលាការធម្មនុញ្ញព្យួរតំណែងលោកស្រីផងដែរ។

សរុបមក ប្រទេសថៃពេលនេះ កំពុងប្រឈមនឹងភាពចលាចលនយោបាយកាន់តែខ្លាំង ដែលជាលទ្ធផលអាចនឹងធ្វើឱ្យគោលដៅកំណើនសេដ្ឋកិច្ចរបស់ប្រទេសថៃ សម្រាប់ឆ្នាំ២០២៥ ដែលត្រូវបានព្យាករថា នឹងសម្រេចបានកំណើនក្នុងរង្វង់២%ទៅ៣%ធ្លាក់ចុះមកនៅត្រឹម១,៥%៕

ដោយ: តែម សុខុម