ថៃ អាចរងការខាតបង់រហូតដល់ជាង១៨ពាន់ដុល្លារក្នុង១ឆ្នាំ ប្រសិនបើអាម៉េរិក អនុវត្តពន្ធ៣៦%

ការសិក្សាដែលធ្វើឡើងដោយសាកលវិទ្យាល័យសភាពាណិជ្ជកម្មថៃ (UTCC) បានបង្ហាញថា ថៃ អាចប្រឈមនឹងការខាតបង់ជាង៦ពាន់លានដុល្លារនៅឆ្នាំ២០២៥ នេះ ប្រសិនបើសហរដ្ឋអាម៉េរិក កំណត់ពន្ធបដិការចន្លោះពី២៥% ទៅ៣៦% លើទំនិញរបស់ថៃ នាំចូលទៅកាន់ទីផ្សារសហរដ្ឋអាម៉េរិក។ តែយ៉ាងណាលោក ថាណាវ៉ាត ផុនវីឆៃ (Thanavath Phonvichai) នាយកសាកលវិទ្យាល័យ UTCC បានវាយតម្លៃថា ថៃនៅតែមានឱកាសចរចាពន្ធបដិការជាមួយសហរដ្ឋអាម៉េរិក ឱ្យធ្លាក់ចុះនៅមកត្រឹម២០% ស្មើនឹងប្រទេសវៀតណាម មុនពេលពន្ធនេះត្រូវបានអនុវត្តនៅថ្ងៃទី១ ខែសីហា។

តែយ៉ាងណានេះគ្រាន់តែជាការលើកឡើងរបស់អ្នកជំនាញរូបនេះប៉ុណ្ណោះ តែអត្រាពន្ធបដិការអាចធ្លាក់ចុះមកកម្រិតណានោះវាអាស្រ័យលើការចរចាជាក់ស្តែង។ ហើយអ្វីដែលជាក្តីបារម្ភក្នុងការធ្វើឱ្យរាំងស្ទះដល់ការចរចាពន្ធឱ្យបានមុនថ្ងៃឱសានវាទមកដល់នោះ គឺភាពចលាចលនយោបាយ ដូចជាការរំលាយសភា និងការមិនអាចបែងចែកថវិកាជំរុញសេដ្ឋកិច្ចរបស់រដ្ឋាភិបាលថៃបានជាដើម។ បើតាមការលើកឡើងរបស់លោក ថាណាវ៉ាត ប្រសិនបើការចរចាមិនអាចបញ្ចុះពន្ធបាន ឬបញ្ចុះមកត្រឹម២៥% នោះការនាំចេញរបស់ថៃ អាចរងផលប៉ះពាល់ពីជាង១២ទៅជាង១៨ពាន់លានដុល្លារក្នុងមួយឆ្នាំ៕

ដោយៈ សរ សុជាតិ