កងទ័ពថៃ បានអះអាងថា ខ្លួននឹងសាងសង់របងខណ្ឌព្រំដែនអចិន្ត្រៃយ៍ប្រវែង១០គីឡូម៉ែត្រដំបូងជាមួយប្រទេសកម្ពុជា នៅចន្លោះបង្គោលព្រំដែនលេខ៥០ ដល់លេខ៥១ ក្បែរច្រកព្រំដែនប៉ោយប៉ែត ក្នុងស្រុកអារញ្ញប្រាថេត។ ពាក់ព័ន្ធគម្រោងសាងសង់របងខណ្ឌព្រំដែនជាមួយកម្ពុជានេះ សារព័ត៌មានក្នុងស្រុកថៃ បានចុះផ្សាយថា លោកឧត្តមសេនីយ៍ ម៉ាណាស់ ចាន់ឌី (Manas Chandee) នាយសេនាធិការកងទ័ពថៃ បានដឹកនាំក្រុមការងារចុះសិក្សាទីតាំងរួចហើយកាលពីថ្ងៃព្រហស្បតិ៍។
ពាក់ព័ន្ធគោលបំណងនៃការសាងសង់របងព្រំដែននេះ ត្រូវបានកងទ័ពថៃ អះអាងថា គឺដើម្បីទប់ស្កាត់ការឆ្លងដែនខុសច្បាប់ និងឧក្រិដ្ឋកម្មឆ្លងដែន រួមទាំងបណ្តាញបោកប្រាស់តាមអនឡាញផងដែរ។ បើតាមការអះអាងរបស់ភាគីថៃ របងធ្វើពីបន្លាលួស៣ជាន់ភ្ជាប់អមជាមួយផ្លូវល្បាត និងការបំពាក់ប្រព័ន្ធកាមេរ៉ាសុវត្ថិភាព CCTV នេះទទួលបានការឯកភាពពីភាគីទាំងពីរហើយ។ តែយ៉ាងណាពាក់ព័ន្ធបញ្ហានេះមិនទាន់មានការបញ្ជាក់ណាមួយពីក្រសួងស្ថាប័នពាក់ព័ន្ធរបស់កម្ពុជា នៅឡើយទេ។
បើយោងតាមការចុះផ្សាយរបស់សារព័ត៌មាន The Nation របងខណ្ឌព្រំដែននេះ គ្រោងនឹងចាប់ផ្តើមនៅចុងឆ្នាំនេះ ពោលគឺនឹងចាប់ផ្តើមសាងសង់ភ្លាមៗក្រោយទទួលបានការអនុម័តពីក្រុមប្រឹក្សាសន្តិសុខជាតិថៃ។ អាជ្ញាធរថៃ រំពឹងថា តាមរយៈគម្រោងនេះវានឹងជួយពង្រឹងប្រតិបត្តិការល្បាតតាមព្រំដែន និងទទួលបានការគាំទ្រពីសហគមន៍មូលដ្ឋាន។
ដោយឡែកបើតាមការចុះផ្សាយរបស់សារព័ត៌មាន Khaosod English របងព្រំដែនចន្លោះបង្គោលលេខ៥០ ដល់៥១ ដែលភាគីថៃ អះអាងថា មានការភាពពីកម្ពុជានេះ នឹងកសាងបែបអចិន្រ្តៃយ៍ ខណៈនៅតំបន់ផ្សេង ដែលស្ថិតក្នុងភាពស្រពេចស្រពិលមិនទាន់មាន
ដោយៈ សរ សុជាតិ
