អនាគតនៃលំហាត់ប្រាណបែបកម្លាំង ដោយចាប់ផ្តើមពីគេហដ្ឋានរបស់អ្នក

ជាមួយនឹងរចនាបថបែបអ៊ីតាលី សម្រាប់ដុំដែកហាត់ប្រាណឆ្លាត 12-in-1 នេះ អាចជួយសន្សំសំចៃ​ទីធ្លាហាត់ប្រាណ ហើយក៏ស័ក្តិសមបំផុតសម្រាប់អ្នកប្រើប្រាស់ថ្មី និងអ្នកជំនាញហ្វឹកហាត់។ ដុំដែកឆ្លាតវៃនេះអាចកំណត់ទម្ងន់បានចាប់ពី 2kg ដល់ 24kg ដោយអាចជំនួសដុំដែកហាត់ប្រាណចំនួន 12 ឈុតឱ្យមកត្រឹមជាឧបករណ៍តូចមួយ ជាមួយរចនាបទប្រណីត និងទាន់សម័យ។

ដោយគ្រាន់តែ បង្វិល ចុច លើក (Twist, Click, Lift) គឺអ្នកអាចចាប់ផ្តើមប្រើប្រាស់បានហើយ។ វាផ្តល់ភាពងាយស្រួលដល់អ្នកប្រើប្រាស់ក្នុងការផ្លាស់ប្តូរទម្ងន់បានយ៉ាងរហ័ស ដោយគ្រាន់តែ​បង្វិល​តែប៉ុណ្ណោះ។

ការរចនានេះធ្វើឡើងជាមួយជើងទ្រទូរសព្ទ ឬថេប្លេតនៅពីមុខ ដែលផ្តល់ភាពងាយស្រួល​ក្នុងការហ្វឹកហាត់​ជាមួយគ្រូបង្វឹក AI តាមរយៈកម្មវិធី Technogym App។ វាជួយតាមដានពីកាយវិការហាត់ ហើយអ្នកប្រើប្រាស់ទទួលបាននូវមតិដែលត្រូវកែតម្រូវលើកម្រិតនៃការហាត់ប្រាណ និងទម្ងន់ដែល​ត្រូវប្រើប្រាស់។ បន្ថែមពីនេះ កម្មវិធីនេះក៏មានការណែនាំអ្នកប្រើប្រាស់អំពីរបៀបដំឡើង ការភ្ជាប់​ឧបករណ៍ ការកំណត់ទម្ងន់ និងវីដេអូបង្រៀនផ្សេងៗផងដែរ។

Technogym Connected Dumbbells បានបង្កើតឡើងឲ្យស័ក្តិសមទៅនឹងរបៀបរស់នៅបែបសម័យថ្មី។ ជាមួយនឹងដុំដែកឆ្លាតវៃដ៏ស្រស់ស្អាតដែលមានទំហំ 80.5 x 46.1 x 54.3 សង់ទីម៉ែត្រ បានភ្ជាប់មកជាមួយ training mat, foam roller និង resistance bands ធ្វើឲ្យឧបករណ៍នេះរក្សាទីធ្លាឲ្យមានរបៀបរៀបរយ ផ្តល់ជូននូវ​បទពិសោធន៍ដែលពោរពេញទៅដោយសុខុមាលភាព។

ស្របពេលដែលការហាត់ប្រាណនៅតាមផ្ទះកំពុងបន្តកើនឡើងទូទាំងសកលលោក Technogym បាន​បង្កើនភាពច្នៃប្រឌិតដែលជាដំណោះស្រាយស្របតាមបែបរស់នៅនាសម័យទំនើប។ Technogym Connected Dumbbells ឆ្លុះបញ្ចាំងពីការប្តេជ្ញាចិត្តរបស់ក្រុមហ៊ុន ក្នុងការថែរក្សាសុខភាព​របស់​មនុស្សគ្រប់គ្នា ក៏ដូចជាផ្តល់ភាពងាយស្រួលទៅតាមតម្រូវការបុគ្គល និងជាកម្លាំងចិត្ត​សម្រាប់​ជីវិត​រស់នៅប្រចាំថ្ងៃ។

Technogym ជាក្រុមហ៊ុនលំដាប់ថ្នាក់ពិភពលោករបស់ប្រទេសអ៊ីតាលី បង្កើតឡើងក្នុងឆ្នាំ 1983 ដែលឈានមុខគេក្នុងវិស័យសុខុមាលភាព។ ក្រុមហ៊ុនបាននាំយកនូវឧបករណ៍​ហាត់ប្រាណ​ ដែលមានគុណភាពខ្ពស់ និងដំណោះស្រាយសុខុមាលភាព ស្របទៅតាមតម្រូវការរបស់លោកអ្នក មិនថាជាការហាត់នៅតាមផ្ទះ ក្លឹបហាត់ប្រាណ សណ្ឋាគារលំដាប់ និងសម្រាប់ក្រុមអត្តពលិក។ បច្ចុប្បន្ននេះ ក្រុមហ៊ុនមានប្រតិបត្តិការជាង 100 ប្រទេស ដោយមានអ្នកគាំទ្ររាប់​លាននាក់ទូទាំងពិភពលោក។

ទំនាក់ទំនង
Technogym Cambodia
069 501 777
https://www.technogym.com/en-INT/#KH
[email protected]