តើវិស័យធានារ៉ាប់រងបានដើរតួនាទីសំខាន់យ៉ាងណាខ្លះនៅក្នុងសេដ្ឋកិច្ចកម្ពុជា?
អ្នកជំនាញបានអះអាងថា វិស័យធានារ៉ាប់រងមិនត្រឹមដើរតួនាទីសំខាន់ក្នុងការជួយការពារ និងរក្សាសុវត្ថិភាពរបស់ប្រជាពលរដ្ឋនៅពេលមានហានិភ័យផ្សេងៗក…
ក្រសួងទេសចរណ៍ និងកីឡារបស់ថៃ បានវាយតម្លៃពីផលប៉ះពាល់នៃការប៉ះទង្គិចគ្នានៅតាមព្រំដែនរវាងកម្ពុជា និងថៃ ដែលនាំឱ្យមានការបិទច្រកព្រំដែន និងកន្លែងទេសចរណ៍មួយចំនួនដែលអាចខូចខាតដល់វិស័យទេសចរណ៍រហូតដល់ជិត៣ពាន់លានបាត ក្នុងមួយខែៗ ដោយ សារការលុបចោលការកក់សណ្ឋាគារដោយសារព្រួយបារម្ភពីសុវត្ថិភាព។
រដ្ឋមន្ត្រីក្រសួងទេសចរណ៍ និងកីឡាលោក សូរ៉ាវង់ ធៀនថុង (SorawongThienthong) បាននិយាយថា ខេត្តចំនួន៧ ជាប់ព្រំដែនជាមួយកម្ពុជារួមមានខេត្តអ៊ូប៊ុនរ៉ាតឆាថានី ខេត្តស៊ីសាកេត ខេត្តស៊ូរិន ប៊ូរីរ៉ាំ ខេត្តស្រះកែវ ខេត្តចន្ថាប៊ូរី និងខេត្តត្រាត បានរងផលប៉ះពាល់ខ្លាំងជាងគេ។ នៅតំបន់ភាគខាងកើតប្រទេស ខេត្តស្រះកែវ មានការធ្លាក់ចុះជាបន្តបន្ទាប់នូវអត្រាស្នាក់នៅតាមសណ្ឋាគារនៅជិតព្រំដែន ដោយសណ្ឋាគារមួយចំនួនប្រឈមនឹងការលុបចោល ឬការពន្យារពេលចន្លោះពី ៨០% ទៅ ១០០%សម្រាប់ការកក់កន្លែងស្នាក់នៅតាមសណ្ឋាគារ។
ចំណែកនៅខេត្តចន្ថាប៊ូរី ឯណោះវិញ ការកក់កន្លែងស្នាក់នៅ ៨០% នៅតំបន់ទេសចរណ៍ត្រូវបានលុបចោល។ ចំណែកវិស័យទេសចរណ៍នៅក្នុងខេត្តត្រាត បើទោះជាអាជ្ញាធរបានអនុញ្ញាតឱ្យជនភៀសសឹកត្រឡប់ទៅផ្ទះរបស់ពួកគេវិញក៏ដោយ ប៉ុន្តែការកក់សណ្ឋាគារតាមគោលដៅទេសចរណ៍មួយចំនួននៅតំបន់ព្រំដែនត្រូវបានលុបចោលទាំងស្រុង៕
ដោយ៖ សុខ មង្គល
