សម្តេចធិបតីអះអាងថា ព្រលានយន្តហោះពោធិ៍ចិនតុងនឹងរក្សាទុកជាសម្បត្តិរដ្ឋ និងបម្រើផលប្រយោជន៍របស់ពលរដ្ឋ
ក្រោយមានការជជែកយ៉ាងផុសផុលអំពីការលក់ព្រលានយន្តហោះពោធិ៍ចិនតុងទៅឱ្យក្រុមហ៊ុនឯកជន សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជាបានអះអាង…
គេនៅចាំបានថា កាលពីខែកុម្ភៈ លោក ត្រាំ ធ្លាប់បានបង្ហាញគំនិតរបស់លោកជាលើកដំបូងថា អាមេរិកនឹងអភិវឌ្ឍតំបន់ហ្កាហ្សាឡើងវិញ និងបង្ខំប្រជាជនប៉ាឡេស្ទីនឱ្យទៅរស់នៅកន្លែងផ្សេង ដែលបង្កឱ្យមានការថ្កោលទោសជាសាកល ដោយប្រជាជនប៉ាឡេស្ទីន និងប្រជាជាតិអារ៉ាប់ព្រមទាំងអង្គការសហប្រជាជាតិបាននិយាយថា ផែនការនេះស្មើនឹងការបោសសម្អាតជនជាតិភាគតិចដូច្នោះដែរ។
បន្ទាប់មកនៅថ្ងៃទី១៥ ខែឧសភា លោក ត្រាំ បានបង្ហើបពីផែនការរបស់លោកនេះម្ដងទៀតនៅក្នុងកិច្ចពិភាក្សាតុមូលធុរកិច្ចនៅក្នុងប្រទេសកាតាថា លោកមានផែនការប្រែក្លាយហ្កាហ្សាទៅជាតំបន់សេរីភាពមួយដោយទុកឱ្យសហរដ្ឋអាម៉េរិកជាអ្នកដោះស្រាយបញ្ហានេះ។
លោក ត្រាំ បាននិយាយថា លោកបានឃើញការបាញ់ផ្លោងតាមផ្លូវអាកាសដែលបានបំផ្លិចបំផ្លាញអគារជាច្រើន ហើយមនុស្សកំពុងរស់នៅក្រោមគំនរបាក់បែកនៃអគារដែលបានដួលរលំទាំងនោះដែលមើលទៅវាមិនអាចទទួលយកបានឡើយ។ ដូច្នេះហើយលោកចង់ឃើញហ្កាហ្សាក្លាយជាតំបន់សេរីភាពមួយដោយទុកឱ្យអាម៉េរិកជាអ្នកធ្វើរឿងនេះ។
នាយករដ្ឋមន្ត្រីអ៊ីស្រាអែលលោក បេនចាមីន នេតាន់យ៉ាហ៊ូ បានពណ៌នាគំនិតរបស់លោក ត្រាំ នេះថាជាចក្ខុវិស័យដ៏ច្បាស់លាស់ ហើយថា លោក និងលោក ត្រាំ បានពិភាក្សាគ្នាថាតើប្រទេសណាខ្លះមានឆន្ទៈក្នុងការទទួលយកជនជាតិប៉ាឡេស្ទីនដែលចាកចេញពីហ្កាហ្សា។
ទោះយ៉ាងណា ពលរដ្ឋប៉ាឡេស្ទីនបានបដិសេធដាច់អហង្ការនូវផែនការណាមួយដែលពាក់ព័ន្ធនឹងការបណ្ដេញពួកគេចេញពីហ្គាហ្សាដោយពួកគេបានប្រដូចគំនិតនេះទៅនឹងសម័យកាលដ៏មហន្តរាយឆ្នាំ១៩៤៨ ដែលពេលនោះមនុស្សរាប់សែននាក់បានចុះចោលផ្ទះរបស់ពួកគេនៅក្នុងសង្រ្គាមដែលនាំទៅដល់ការបង្កើតរដ្ឋអ៊ីស្រាអែលសព្វថ្ងៃនេះ។ ដូច្នេះហើយពួកគេជាច្រើននិយាយថា ពួកគេសុខចិត្តរស់នៅក្នុងផ្ទះដែលខូចខាតទាំងនេះ៕
ដោយ៖ សុខ មង្គល
