Vietjet បញ្ចុះតម្លៃសំបុត្ររហូតដល់ ១០០% រាប់លានសំបុត្ររយៈពេល៣ថ្ងៃប៉ុណ្ណោះ
ភ្នំពេញ ថ្ងៃទី១៦ ខែធ្នូ ឆ្នាំ២០២៥ – ក្រុមហ៊ុនអាកាសចរណ៍ Vietjet កំពុងអញ្ជើញអ្នកធ្វើដំណើរពីប្រទេសកម្ពុជាដើម្បីផ្តល់រង្វាន់លើកទឹកចិត្តខ្លួនឯងជ…
ប្រធានាធិបតីអាម៉េរិកលោក ដូណាល់ ត្រាំ បានទទួលស្គាល់ថា ការដោះស្រាយបញ្ហាជម្លោះរវាងប្រទេសជិតខាងគ្នាកម្ពុជា និងថៃនាពេលនេះកំពុងជួបបញ្ហាបន្ដិចបន្ដួច តែលោកមានជំនឿយ៉ាងមុតមាំថា លោកនឹងអាចបញ្ចប់សង្គ្រាមនេះ ដោយទាមទារឱ្យភាគីទាំងពីរឈប់បាញ់ប្រយុទ្ធគ្នានិងងាកមកអនុវត្តតាមសេចក្ដីថ្លែងការណ៍រួម ដែលបានចុះហត្ថលេខារួមគ្នានៅក្រុងគូឡាឡាំពួកាលពីថ្ងៃទី២៦ ខែតុលា វិញ។
ឆ្លើយតបនឹងការទាមទារខាងលើ នាយករដ្ឋមន្ត្រីថៃចាំផ្ទះរបស់ថៃលោក អានុទីន ឆានវីរៈគុល ហាក់មានមោទកភាពចំពោះខ្លួនឯងដោយបានលើកឡើងយ៉ាងព្រហើន ដោយទទូចឱ្យលោក ដូណាល់ ត្រាំ ប្រាប់កម្ពុជាឱ្យឈប់បាញ់មុន ក្រោមលេសដោះសារថាខ្លួនមិនមែនជាអ្នកចាប់ផ្តើមសង្គ្រាមនោះទេ។
ឆ្លើយនឹងសំណួរអ្នកយកព័ត៌មានដែលសួរថា តើលោកប្រធានាធិបតីអាម៉េរិក ដូណាល់ ត្រាំ បានដាក់សម្ពាធមកលើប្រទេសថៃឱ្យឈប់ប្រយុទ្ធគ្នាជាមួយកម្ពុជាឬយ៉ាងណា? នាយករដ្ឋមន្ត្រីប្រកាសរំលាយសភាមុនកាលកំណត់រូបនេះបានបដិសេធមិនឆ្លើយចំៗនោះទេ គ្រាន់តែបញ្ជាក់ថា៖«ប្រទេសថៃមិនដែលផ្តើមអរិភាពនោះទេ ហើយសំណើណាមួយអំពីការឈប់បាញ់ គួរតែទៅប្រាប់កម្ពុជាឱ្យឈប់បាញ់មុនសិនទៅ»។
ទាក់ទងនឹងការរិះគន់នានាលើឆាកអន្តរជាតិអំពីការដែលប្រទេសថៃប្រើប្រាស់យន្តហោះ F-16 វាយប្រហារទៅលើប្រទេសកម្ពុជា លោកបានឆ្លើយដោយស្នើឱ្យប្រៀបធៀបអាវុធរ៉ុក្កែត BM-21 ជាមួយយន្តហោះចម្បាំង F-16 និងបានសួរទៅវិញថា តើអ្នកណាប្រើអាវុធហិង្សាខ្លាំងជាង?
ទាក់ទងនឹងសម្ពាធអន្តរជាតិដែលបង្ខំឱ្យបញ្ឈប់ជម្លោះ លោក បាននិយាយយ៉ាងខ្លីថា លោកមិនដឹងអ្នកណាកំពុងដាក់សម្ពាធលើអ្នកណានោះទេ និងបានបដិសេដសុំមិនឆ្លើយនៅពេលអ្នកសារព័ត៌មានសួរពាក់ព័ន្ធនឹងប្រទេសចិនស្នើសុំឱ្យប្រទេសថៃឈប់បាញ់មកលើប្រទេសកម្ពុជា៕
