អាជ្ញាធរក្រុងហាណូយនឹងលុបបំបាត់ផ្សារ និងកន្លែងលក់ទំនិញតាមចិញ្ចើមផ្លូវឱ្យអស់ ដើម្បីរក្សាសោភណភាពទីក្រុង
នៅប៉ុន្មានខែកន្លងមកនេះ អាជ្ញាធរក្រុងហាណូយ បានដាក់ចេញវិធានការជាបន្តបន្ទាប់ ដើម្បីរក្សាសណ្ដាប់ធ្នាប់ និងសោភណភាពរបស់រដ្ឋធានីដ៏ធំបំផុតរបស់ប្…
ក្រុមហ៊ុនបច្ចេកវិទ្យាយក្សរបស់អាម៉េរិក Apple បានប្រកាសកាលពីថ្ងៃពុធ សប្តាហ៍នេះថា ខ្លួននឹងបោះទុនវិនិយោគ១00ពាន់លានដុល្លារបន្ថែមទៀត ដើម្បីពង្រីកប្រតិបត្តិការរបស់ខ្លួននៅសហរដ្ឋអាម៉េរិក ដើម្បីផ្គាប់ចិត្តប្រធានាធិបតីសហរដ្ឋអាម៉េរិក លោក ដូណាល់ ត្រាំ ដែលបានគំរាមយកពន្ធរហូត១០០% លើផលិតផលបន្ទះឈីប ដែលនាំចូលមកកាន់ទីផ្សារសហរដ្ឋអាម៉េរិក។ ភ្លាមៗក្រោយការប្រកាសពីការវិនិយោគនេះ តម្លៃភាគហ៊ុនរបស់ក្រុមហ៊ុន Apple បានហក់ឡើង៥% មួយរំពេចនៅពេលបិទការជួយដូរកាលពីថ្ងៃពុធ។
ការបោះទុនវិនិយោគដ៏សម្បើមរបស់ក្រុមហ៊ុនបច្ចេកវិទ្យានេះ កើតឡើងក្រោយក្រុមហ៊ុនបច្ចេកវិទ្យាយក្សមួយនេះ បានសន្យាជាមួយលោក ដូណាល់ ត្រាំ នឹងបោះទុនវិនិយោគ៥00ពាន់លានដុល្លារនៅលើទឹកដីសហរដ្ឋអាម៉េរិក កាលពីដើមឆ្នាំនេះ ស្របពេលគោលនយោបាយពន្ធគយរបស់លោក ត្រាំ ដាក់លើដៃគូពាណិជ្ជកម្មអាម៉េរិក បានធ្វើឱ្យក្រុមហ៊ុន Apple ខាតបង់ប្រាក់រាប់ពាន់លានដុល្លារ។
ការងាកមកពង្រីកផលិតកម្មនៅអាម៉េរិកនេះ វាបានបង្ហាញពីកិច្ចខិតខំប្រឹងប្រែងថ្មីមួយរបស់ក្រុមហ៊ុននេះក្នុងការពង្រីកទំនាក់ទំនងជាមួយអ្នកផ្គត់ផ្គង់ និងអ្នកប្រើប្រាស់ក្នុងស្រុក ស្របពេលលោក ត្រាំ បានដាក់សម្ពាធដល់ក្រុមហ៊ុន Apple និងក្រុមហ៊ុនបច្ចេកវិទ្យាយក្សផ្សេងទៀតឱ្យផ្លាស់ប្តូរផលិតកម្មរបស់ខ្លួនចេញពីប្រទេសចិន ឥណ្ឌា និងវៀតណាមមកកាន់សហរដ្ឋអាម៉េរិក។
ជាមួយការបោះទុនវិនិយោគ១០០ពាន់លានដុល្លារនេះ ក្រុមហ៊ុន Apple ដែលកំពុងតែគ្រប់គ្រងដោយ លោក ធីម ឃុក (Tim Cook) ជានាយករដ្ឋប្រតិបត្តិ គ្រោងនឹងប្រើប្រាស់រោងចក្រដែលមាន២៤កន្លែងនៅរដ្ឋចំនួន១២ ដើម្បីផលិតបន្ទះឈីបទូរសព្ទឆ្លាតវៃឲ្យបានច្រើនជាង១៩ពាន់លានឈីបនៅក្នុងឆ្នាំ២០២៥ នេះ៕
ដោយៈ សរ សុជាតិ
