លោក ត្រាំ ប្រាប់សភាថា អាម៉េរិកបានឈានចូលដល់យុគសម័យមាស ខណៈក្ដីបារម្ភអំពីបញ្ហាសេដ្ឋកិច្ចក្នុងស្រុកកំពុងកើនឡើង
ប្រធានាធិបតីអាម៉េរិក លោក ដូណាល់ ត្រាំ នៅថ្ងៃទី២៥ ខែកុម្ភៈ ឆ្នាំ២០២៦ បានប្រកាសក្ដែងៗថា សហរដ្ឋអាម៉េរិក បានឈានចូលដល់យុគសម័យមាសហើយ នៅក្នុ…
ក្រសួងពាណិជ្ជកម្មសហរដ្ឋអាម៉េរិក កាលពីថ្ងៃទី២៤ ខែកុម្ភៈ បានប្រកាសដំឡើងពន្ធខ្ពស់កប់ពពកលើការនាំចូលបន្ទះសូឡាពីប្រទេសឥណ្ឌូនេស៊ី ឡាវ និងឥណ្ឌា ក្រោយការនាំចូលបន្ទះសូឡាពីប្រទេសទាំងនេះមានការកើនឡើងគួរឱ្យសង្ស័យ។ ក្នុងនោះអាម៉េរិកនឹងដំឡើងពន្ធនាំចូលបន្ទះសូឡាពីឥណ្ឌា រហូតដល់ជាង១២៥% ពីឥណ្ឌូនេស៊ី ជាង១០៤% និងឡាវ ជិត៨១%។ ការនាំចូលបន្ទះសូឡាពីប្រទេសទាំង៣ មកកាន់ទីផ្សារអាម៉េរិក កាលពីឆ្នាំ២០២៥ មានតម្លៃសរុប៤,៥ពាន់លានដុល្លារ។
នេះជាចំណាត់ការថ្មីមួយ ប្រឆាំងនឹងការនាំចូលដ៏ច្រើននូវផលិតផលបន្ទះសូឡា ខណៈកាលពីឆ្នាំ២០២៥ ទីក្រុងវ៉ាស៊ីនតោន បានប្រកាសដំឡើងពន្ធនាំចូលពីប្រទេសអាស៊ានចំនួន៤រួចមកហើយរួមមាន កម្ពុជា រងពន្ធ៣៤០០% ថៃ ៨០០% វៀតណាម ៥៤២% និងម៉ាឡេស៊ី ជាប់ពន្ធ១៧០%។ ការដាក់ពន្ធខ្ពស់កប់ពពករបស់សហរដ្ឋអាម៉េរិក លើផលិតផលបន្ទះសូឡានេះធ្វើឡើងក្នុងគោលបំណង ដើម្បីការពារ និងលើកកម្ពស់ឧស្សាហកម្មបន្ទះសូឡានៅក្នុងស្រុក។
ក្រោមវិធានការពន្ធដ៏តឹងរ៉ឹងនេះបានធ្វើឱ្យការនាំចេញបន្ទះសូឡារបស់កម្ពុជា ដែលសម្រេចបានជាង៨៣០លានដុល្លារកាលពីឆ្នាំ២០២៤ ធ្លាក់ចុះមកនៅត្រឹម១៨លានដុល្លារនៅឆ្នាំ២០២៥ មានការធ្លាក់ចុះជិត៩៨%៕
ដោយៈ សរ សុជាតិ
