បើតាមការអះអាងរបស់សមាគមម្រេច និងគ្រឿងទេសវៀតណាម នៅក្នុងរយៈពេល១០ខែកន្លងមកនេះ វៀតណាម នាំចេញម្រេចទៅកាន់ទីផ្សារអន្តរជាតិ បានជាង២០ម៉ឺន៦ពាន់តោនធ្លាក់ចុះជិត៦% ប៉ុន្តែតម្លៃនៃការនាំចេញបានកើនឡើងជាង២៥%ឯណោះជាមួយចំណូលសរុបជិត១,៤ពាន់លានដុល្លារ។ សហរដ្ឋអាម៉េរិក នៅតែជាទីផ្សារធំជាងគេ ដោយបានស្រូបយកម្រេចពីវៀតណាម រហូតដល់៤ម៉ឺន៤ពាន់តោន ឬស្មើនឹងជាង២១%នៃការនាំចេញសរុបរបស់ប្រទេសនេះ បន្ទាប់មកអេមីរ៉ាតអារ៉ាប់រួម ចិន ឥណ្ឌា និងអាល្លឺម៉ង់។
ម្រេចដែលវៀតណាម នាំចេញទៅលក់នៅលើទីផ្សារអន្តរជាតិ មានពីរប្រភេទ រួមមានម្រេចខ្មៅ និងម្រេចស ក្នុងនោះម្រេចខ្មៅអាចលក់បានជាមធ្យមក្នុងតម្លៃ៦ពាន់៤៤៣ដុល្លារក្នុងមួយតោន ខណៈម្រេចសអាចលក់បានក្នុងតម្លៃ៨ពាន់៣៩២ដុល្លារក្នុងមួយតោន។
ស្របពេលទិន្នផលផលិតម្រេចនៅវៀតណាម មានការធ្លាក់ចុះ ដូច្នេះដើម្បីបំពេញតម្រូវការនាំចេញដែលមានការកើនឡើង ប្រទេសក្បែរខាងកម្ពុជា មួយនេះ បាននាំចូលម្រេចជិត៣ម៉ឺន៨ពាន់តោន ដែលមានតម្លៃជិត២៣៧ លានដុល្លារនៅក្នុងរយៈពេល១០ខែកន្លងមកនេះ ក្នុងនោះប្រទេសប្រេស៊ីល ជាអ្នកផ្គត់ផ្គង់ធំជាងគេ ដែលមានរហូតដល់ជិតពាក់កណ្តាល នៃការនាំចូលសរុបរបស់ប្រទេសនេះ។
បើតាមការអះអាងរបស់សមាគមម្រេច និងគ្រឿងទេសវៀតណាម នៅក្នុងរយៈពេល១០ខែកន្លងមកនេះ វៀតណាម នាំចេញម្រេចទៅកាន់ទីផ្សារអន្តរជាតិ បានជាង២០ម៉ឺន៦ពាន់តោនធ្លាក់ចុះជិត៦% ប៉ុន្តែតម្លៃនៃការនាំចេញបានកើនឡើងជាង២៥%ឯណោះជាមួយចំណូលសរុបជិត១,៤ពាន់លានដុល្លារ។ សហរដ្ឋអាម៉េរិក នៅតែជាទីផ្សារធំជាងគេ ដោយបានស្រូបយកម្រេចពីវៀតណាម រហូតដល់៤ម៉ឺន៤ពាន់តោន ឬស្មើនឹងជាង២១%នៃការនាំចេញសរុបរបស់ប្រទេសនេះ បន្ទាប់មកអេមីរ៉ាតអារ៉ាប់រួម ចិន ឥណ្ឌា និងអាល្លឺម៉ង់។ងតាមអង្គការស្បៀងអាហារ និងកសិកម្មពិភពលោក ទីផ្សារម្រេចនៅលើពិភពលោកមានទំហំប្រមាណ ៥,៥ពាន់លានដុល្លារ ជាមួយនឹងកំណើនប្រចាំឆ្នាំក្នុងរង្វង់២,៣% ខណៈបរិមាណម្រេចមានប្រមាណ៤លានតោន ក្នុងនោះវៀតណាម បានក្លាយជាបងធំនាំចេញម្រេចតាំងពីឆ្នាំ២០២១ មកម្ល៉េះ បន្ទាប់មកឥណ្ឌូនេស៊ី៕
ដោយៈ សរ សុជាតិ
