ពលរដ្ឋអង់គ្លេសកំពុងរស់នៅក្នុងបញ្ហា ការចំណាយខ្ពស់ក្នុងជីវភាពប្រចាំថ្ងៃកាន់តែខ្លាំង
បញ្ហាប្រឈមផ្នែកសេដ្ឋកិច្ចនៅអង់គ្លេស កំពុងស្ថិតក្នុងស្ថានភាពកាន់តែលំបាកខ្លាំងឡើងៗ មិនថាតែអ្នកមានប្រាក់ចំណូលទាបនោះទេ សូម្បីពលរដ្ឋដែលមានប្រាក់…
ការស្ទង់មតិមួយ ដែលក្រុមហ៊ុនប្រឹក្សាយោបល់អចលនទ្រព្យអាម៉េរិក CBRE បានធ្វើឡើងទៅលើវិនិយោគិនក្នុងតំបន់រយៈពេលពីរខែចុងក្រោយនៃឆ្នាំ២០២៣ អំពីផែនការវិនិយោគរបស់ពួកគេសម្រាប់ឆ្នាំ២០២៤ បង្ហាញថា ប្រទេសឥណ្ឌា បានក្លាយជាទីផ្សារអចលនទ្រព្យទើបនឹងរះដែលមានភាពទាក់ទាញបំផុតទី១ នៅតំបន់អាស៊ី-ប៉ាស៊ីហ្វិក ខណៈលេខ២បានទៅលើប្រទេសវៀតណាម និងលេខ៣ បានទៅលើប្រទេសថៃ។ ការស្ទង់មតិនេះបញ្ជាក់ថា អចលនទ្រព្យដែលមានភាពទាក់ទាញបំផុតសម្រាប់បណ្ដាវិនិយោគិន គឺជាអចលនទ្រព្យប្រភេទឧស្សាហកម្ម និងការិយាល័យ។
សកម្មភាពពាណិជ្ជកម្មដែលកំពុងកើនឡើងនៅក្នុងប្រទេសវៀតណាម បានជំរុញតម្រូវការការគ្រប់គ្រងខ្សែច្រវាក់ផ្គត់ផ្គង់ និងភ័ស្តុភារកម្ម ហើយដោយសារតែហេតុផលនេះហើយទើបធ្វើឱ្យវិនិយោគិនចាប់អារម្មណ៍ខ្លាំងលើអចលនទ្រព្យប្រភេទឧស្សាហកម្ម។ វិនិយោគិនបរទេសក៏ចាប់អារម្មណ៍ខ្លាំងណាស់ដែរ លើប្រភេទដីលំនៅឋាន ហើយកំពុងស្វែងរកទិញយ៉ាងសកម្មនូវដីលំនៅឋាន ដែលគេដាក់លក់បញ្ចុះតម្លៃ ឬដីណា ដែលម្ចាស់កំពុងជួបការលំបាកផ្នែកផ្លូវច្បាប់ និងហិរញ្ញវត្ថុ។
លោក ង្វៀន ហ្វាំ អាញ់ ឌុយ (Nguyen Pham Anh Duy) នាយកផ្នែកប្រឹក្សាយោបល់វិនិយោគនៅក្រុមហ៊ុនប្រឹក្សាយោបល់អចលនទ្រព្យ CBRE Vietnam ប្រចាំប្រទេសវៀតណាម បានលើកឡើងថា វិនិយោគិនបរទេសមានចក្ខុវិស័យរយៈពេលវែងចំពោះសក្តានុពលនៃសេដ្ឋកិច្ចវៀតណាម។ វិនិយោគិនជាច្រើនកំពុងសម្លឹងរកឱកាសលក់ចេញអចលនទ្រព្យរបស់ពួកគេទៅឱ្យវិនិយោគិនថ្មីៗ បន្ទាប់ពីបានកាន់កាប់អចលនទ្រព្យទាំងនោះអស់រយៈពេលយូរ។ ការស្ទង់មតិនេះបានចង្អុលបង្ហាញថា បណ្ដាវិនិយោគិននៅអាស៊ី-ប៉ាស៊ីហ្វិក កំពុងស្វែងរកទិញអចលនទ្រព្យដែលគេដាក់លក់បញ្ចុះតម្លៃ ដើម្បីបង្កើនប្រាក់ចំណេញទ្វេដង៕
ដោយ: តែម សុខុម
_
