សហភាពអឺរ៉ុប ព្រមានថា អ្នកដែលប្រើទឹកអនាម័យលាងដៃញឹកញាប់ ប្រយ័ត្នកើតជំងឺមហារីក
ការរក្សាអនាម័យរាងកាយស្អាតដូចជាការលាងសម្អាតដៃឱ្យបានញឹកញាប់ជាដើម គឺជារឿងចាំបាច់ណាស់ ដើម្បីរក្សាសុខភាពរបស់អ្នកឱ្យនៅរឹងមាំ។ ទោះជាយ៉ាងណា …
ក្រុមហ៊ុនអាកាសចរណ៍ Vietjet របស់វៀតណាម បានជួលយន្តហោះ C909 ចំនួនពីរគ្រឿងពីក្រុមហ៊ុនផលិតយន្តហោះរបស់ចិន COMAC នៅមួយសប្តាហ៍បន្ទាប់ពីប្រធានាធិបតីចិន លោក ស៊ី ជីនពីង (Xi Jinping) មកបំពេញទស្សនកិច្ចនៅទីក្រុងហាណូយ កាលពីខែមេសា ដើម្បីបង្ហាញពីសារសំខាន់នយោបាយ និងកាយវិការនៃការពង្រឹងទំនាក់ទំនងយុទ្ធសាស្ត្រ និងសេដ្ឋកិច្ចរវាងប្រទេសទាំងពីរ។ ប៉ុន្តែពេលនេះ ក្រុមហ៊ុន Vietjet បានសម្រេចចិត្តមិនបន្តជួលយន្តហោះនេះទៀតទេ ហើយក៏គ្មានគម្រោងទិញភ្លាមៗនូវយន្តហោះពីក្រុមហ៊ុន COMAC នោះដែរ។ ទាំងក្រុមហ៊ុន Vietjet និងក្រុមហ៊ុន COMAC មិនបានឆ្លើយតបចំពោះសំណើសុំការអត្ថាធិប្បាយជុំវិញបញ្ហានេះទេ។
ប្រភពដែលដឹងពីបញ្ហាខាងលើបានអះអាងថា ការបញ្ឈប់កិច្ចសន្យាជួលយន្តហោះរបស់ចិននេះ គឺដោយសារការចំណាយប្រតិបត្តិការខ្ពស់ ទាំងលើការជួលអ្នកបើកយន្តហោះជាជនជាតិបរទេស និងសេវាកម្មថែទាំ និងឧបសគ្គបទប្បញ្ញត្តិនៅក្រោមច្បាប់អាកាសចរណ៍របស់វៀតណាម។ បើតាមការលើកឡើងរបស់ប្រភពដដែលនេះ មិនមានបញ្ហាប្រតិបត្តិការជាមួយយន្តហោះ COMAC ក្នុងពេលកាន់កាប់នៅក្នុងប្រទេសវៀតណាមនោះទេ។
បច្ចុប្បន្នក្រុមហ៊ុនផលិតយន្តហោះរបស់ចិន COMAC កំពុងដាក់ទីតាំងយន្តហោះ C909 របស់ខ្លួននៅតំបន់អាស៊ីអាគ្នេយ៍ រួមមាន នៅប្រទេសឥណ្ឌូនេស៊ី វៀតណាម និងឡាវ ក៏ដូចជាការបញ្ជាទិញពីក្រុមហ៊ុន Air Cambodia និងក្រុមហ៊ុនអាកាសចរណ៍នៅប្រ៊ុយណេ ផងដែរ៕
ដោយ៖ សុខ មង្គល
