កម្ពុជា រំពឹងរោងចក្រដំឡើងរថយន្ត BYD ដែលនឹងដាក់ឱ្យដំណើរការឆាប់ៗនេះ នឹងក្លាយជាមេដែកក្នុងការស្រូបទាញការវិនិយោគ
បើគ្មានការប្រែប្រួលទេ រោងចក្រផ្គុំ និងដំឡើងរថយន្តរបស់ក្រុមហ៊ុន BYD Cambodia នៅតំបន់សេដ្ឋកិច្ចពិសេសក្រុងព្រះសីហនុ នឹងដាក់ឱ្យដំណើរការនៅថ្ងៃ…
ពលរដ្ឋវៀតណាម ដែលមានអាយុ២១ឆ្នាំ ហើយមានប្រាក់ចំណូលប្រចាំខែចាប់ពី៣៧៩ដុល្លារឡើងទៅអាចមានសិទ្ធិចូលលេងល្បែងដោយស្របច្បាប់នៅកាស៊ីណូចំនួន៣កន្លែងនៅវៀតណាម។ ក្រឹត្យថ្មី ដែលបើកសិទ្ធិឱ្យពលរដ្ឋវៀតណាម អាចចូលលេងល្បែងនេះ បានចូលជាធរមានកាលពីថ្ងៃពុធទី២៦ ខែវិច្ឆិកា ឆ្នាំ២០២៥ ហើយកាស៊ីណូដែលអាចទទួលពលរដ្ឋវៀតណាម ឱ្យចូលលេង គឺមានតែនៅលើកោះត្រល់តែមួយគត់។ បច្ចុប្បន្នប្រទេសវៀតណាម មានកាស៊ីណូស្របច្បាប់ចំនួន៩កន្លែង ប៉ុន្តែកាស៊ីណូចំនួន៦ទៀត គឺមិនអនុញ្ញាតិ ឲ្យពលរដ្ឋវៀតណាមចូលលេងឡើយ។
គួររំលឹកថា កាលពីខែកញ្ញា កន្លងទៅអាជ្ញាធរវៀតណាម បានផ្តល់ភ្លើងខៀវដល់គម្រោងកាស៊ីណូមួយកន្លែងដែលមានទំហំវិនិយោគ២ពាន់លានដុល្លារនៅខេត្តក្វាងនិញ។ កាស៊ីណូ និងរីសតថ្មីនេះ ត្រូវបានអភិវឌ្ឈន៍ដោយក្រុមហ៊ុន Van Don Jsc នៅលើផ្ទៃដី២៤៥ហិកតា ហើយគ្រោងនឹងដាក់ឱ្យដំណើរការនៅក្នុងឆ្នាំ២០៣២៕
ដោយៈ សរ សុជាតិ
