តើការបញ្ចេញឡានក្រុងដឹកពលរដ្ឋដោយឥតគិតថ្លៃក្នុងពិធីបុណ្យភ្ជុំបិណ្ឌរបស់រដ្ឋបានជួយពលរដ្ឋអ្វីខ្លះ?
រាជរដ្ឋាភិបាលបានរៀបចំរថយន្តក្រុងចំនួន៥៩៧គ្រឿង សម្រាប់បម្រើសេវាដឹកជញ្ជូនដល់ប្រជាពលរដ្ឋក្នុងរាជធានីភ្នំពេញ ជាប្រចាំថ្ងៃ និងសម្រាប់ដឹកជញ្ជូនប្រ…
អ្នកឧកញ៉ា សួរ វីរៈ អគ្គនាយកក្រុមហ៊ុន វីរៈប៊ុនថាំ បានប្រាបស់សារព័ត៌មានខេមបូណូមីសថា រោងចក្រផលិតជីកសិកម្មរបស់ខ្លួន ដែលលាតសន្ធឹងលើផ្ទៃដីប្រមាណ១០ហិកតា ស្ថិតនៅឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ទទួលបានជោគជ័យលើការដំណើរការផលិតកម្ម ដោយគ្រោងលក់ចែកចាយជីទាំង៣ប្រភេទ ដូចជាជីសរីរាង្គ ជីលាមកជន្លេន និងជីទឹកនៅថ្ងៃទី១៨ ខែកញ្ញា ឆ្នាំ២០២៥។
បើតាមការអះអាងរបស់ថ្នាក់ដឹកនាំរូបនេះ មុននឹងដាក់លក់ចែកចាយជាផ្លូវការ ក្រុមហ៊ុនខ្លួនក៏បានសាកល្បងប្រើប្រាស់ជីកសិកម្មទាំងនេះជាមួយដំណាំជាច្រើនដូចជាស្រូវ ស្វាយ ទុរេន និងកសិផលផ្សេងៗជាច្រើនទៀត ដោយទទួលបានលទ្ធផលល្អ និងមិនបង្កប៉ះពាល់ដល់គុណភាពដីនៅថ្ងៃអនាគត។
អ្នកឧកញ៉ា សួរ វីរៈ រំពឹងថា តាមរយៈវត្តមានរោងចក្រផលិតជីរបស់ខ្លួន ដែលមានសមត្ថភាពផលិតជីបានប្រមាណ២០០តោនក្នុង១ថ្ងៃនេះ វានឹងក្លាយជាផ្នែកមួយជួយរួមចំណែកអភិវឌ្ឍន៍វិស័យកសិកម្មនៅកម្ពុជា ជាពិសេសជួយជំរុញលើការដាំដុះឱ្យទទួលបានទិន្នផលខ្ពស់សម្រាប់ផ្គត់ផ្គង់ការប្រើប្រាស់ក្នុងស្រុក និងការនាំចេញ ដ្បិតថា ទាំងតម្លៃ និងគុណភាពជីដែលក្រុមហ៊ុនខ្លួនបានផលិត គឺសុទ្ធតែអាចក្រកួតប្រជែងជាមួយនឹងជីនាំចូល។ ក្រៅពីរោងចក្រផលិតជីសរីរាង្គ ក្រុមហ៊ុន វីរៈប៊ុនថាំ ក៏គ្រោងសាងសង់រោងចក្រផលិតជីគីមីបន្ថែមទៀតនាពេលខាងមុខផងដែរ៕
