#ក្រុមហ៊ុនក្នុងស្រុកប្ដេជ្ញាមិនដំឡើងថ្លៃ

ក្រុមហ៊ុនសហគ្រាសជាច្រើននៅកម្ពុជា បានប្ដេជ្ញាមិនដំឡើងថ្លៃលើផលិតផល បើទោះបីទំនិញមួយចំនួនដែលតែងនាំចូលពីប្រទេសថៃ មានការរាំងស្ទះដោយសារការបិទច្រកទ្វារព្រំដែនដែនដោយឯកតោភាគីពីយោធាថៃ ក៏ដោយ។ ការមិនដំឡើងថ្លៃលើផលិតផលក្នុងស្រុកនេះ កំពុងទទួលបានការគាំទ្រពីពលរដ្ឋខ្មែរ ខណៈថ្នាក់ដឹកនាំក្រុមប្រឹក្សាភិបាលសម្ព័ន្ធសមាគមសហគ្រាសធុនតូច និងមធ្យមកម្ពុជា រំពឹងថា វានឹងផ្លាស់ប្ដូរផ្នត់គំនិតពលរដ្ឋឱ្យងាកមកប្រើប្រាស់ផលិតផលក្នុងស្រុកជំនួសផលិតផលនាំចូលពីបរទេស។