#ឆន្ទៈពិចារណាបទឈប់បាញ់

នាយករដ្ឋមន្ត្រីម៉ាឡេស៊ីលោក អានថា អ៊ីប្រាហ៊ីម (Anwar Ibrahim) ក្នុងនាមប្រធានប្ដូរវេនអាស៊ានបានអះអាងថា ភាគីកម្ពុជា និងភាគីថៃមានឆន្ទៈពិចារណាលើការចរចាក្នុងការទៅរកបទឈប់បាញ់រវាងកងកម្លាំងនៃប្រទេសទាំងពីរ ដែលកំពុងឡើងកម្តៅខ្លាំង។ បើតាមប្រភពពីកងទ័ពជួរមុខបានឱ្យដឹងថា ការបាញ់ផ្លោងពីសំណាក់កងទ័ពថៃមកលើកងទ័ពកម្ពុជាកំពុងបន្តមិនឈប់នៅខេត្តព្រះវិហារ និងឧត្តរមានជ័យ។ នេះបើយោងតាមការចុះផ្សាយរបស់សារព័ត៌មាន The Straits Times នៅថ្ងៃសុក្រ ទី២៥ ខែកក្កដា នេះ។