#ថ្លៃដឹកជញ្ជូនទំនិញ

កងឆ្មាំបដិវត្តន៍អ៊ីរ៉ង់បានធ្វើឱ្យមានការផ្អើលពេញផ្ទៃសមុទ្រកាលពីថ្ងៃទី២ ខែមីនា ដោយប្រកាសបិទ ច្រកសមុទ្រហ័រមូសទាំងស្រុង និងបានព្រមានបាញ់កម្ទេចរាល់នាវាណា ដែលហ៊ានឆ្លងកាត់ លើកលែងតែនាវារបស់ចិន និងអ៊ីរ៉ង់ប៉ុណ្ណោះ។ របាយការណ៍ចុងក្រោយបានឱ្យដឹងថា នាវាដឹកជញ្ជូនមិនក្រោម១៥០ គ្រឿងឡើយកំពុងជាប់គាំងនៅផ្ទៃសមុទ្រ ខណៈនាវាចំនួន៣គ្រឿងត្រូវបានបាញ់ពន្លិចទៅក្នុងបាតសមុទ្ររួចជាស្រេច។ វិបត្តិនេះបានធ្វើឱ្យថ្លៃដឹកជញ្ជូនហក់ឡើងដល់កម្រិតខ្ពស់បំផុតមិនធ្លាប់មាន គឺរហូតដល់ទៅជាង៤២ម៉ឺនដុល្លារក្នុងមួយថ្ងៃ។