#ថៃ គ្រោងសាងសង់របងព្រំដែននៅក្បែរច្រកប៉ោយប៉ែត

ក្រោយគំនិតផ្តួចផ្តើមធ្វើរបងតាមបណ្តោយព្រំដែន ត្រូវបានបង្ហើបដោយភាគីថៃ តាំងពីមុនផ្ទុះការប៉ះទង្គិចប្រដាប់អាវុធនៅថ្ងៃទី២៤ ខែកក្កដា នៅពេលនេះកងទ័ពថៃ បានបញ្ជាក់ថា ខ្លួននឹងសាងសង់របងខណ្ឌព្រំដែនអចិន្រ្តៃយ៍ជាមួយកម្ពុជាមួយ ដើម្បីទប់ស្កាត់ការឆ្លងដែនខុសច្បាប់។ បើយោងតាមការចុះផ្សាយរបស់សារព័ត៌មាន the Nation របងព្រំដែនដែលថៃ គ្រោងសាងសង់ក្នុងជំហានទី១នេះ មានប្រវែងសរុបប្រមាណ១០គីឡូម៉ែត្រ។