ក្រោយរក្សាអត្រាការប្រាក់ឱ្យនៅដដែល ធនាគារកណ្ដាលអាម៉េរិកព្រមានថា ហានិភ័យសម្រាប់សេដ្ឋកិច្ចអាម៉េរិកកំពុងកើនឡើង
ដោយ
ធនាគារកណ្តាលអាម៉េរិកកាលពីថ្ងៃទី៧ ខែឧសភា បានសម្រេចរក្សាទុកអត្រាការប្រាក់គោលឱ្យនៅដដែលដោយគ្មានការផ្លាស់ប្ដូរ ហើយបានព្រមានថា ហានិភ័យអតិផរណា និងភាពអត់ការងារធ្វើកំពុងកើនឡើង ដែលធ្វើឱ្យសេដ្ឋកិច្ចរបស់សហរដ្ឋអាម៉េរិក ធ្លាក់ចូលក្នុងភាពមិនប្រាកដប្រជាកាន់តែខ្លាំងបន្ថែមទៀត ខណៈក្រុមអ្នកបង្កើតគោលនយោបាយកំពុងខ្នះខ្នែងដោះស្រាយផលប៉ះពាល់បណ្ដាលមកពីការដំឡើងពន្ធគយរបស់ប្រធានាធិបតី ដូណាល់ ត្រាំ។ នេះបើយោងតាមការចុះផ្សាយរបស់សារព័ត៌មានធំៗ។